Nazir: Azərbaycan dost Polşa ilə münasibətlərin inkişafına önəm verir
"Azərbaycan Respublikası dost Polşa Respublikası ilə münasibətlərin inkişafına önəm verir" .
1news.az xəbər verir ki ki, bunu Azərbaycanın Xarici İşlər naziri Ceyhun Bayramov ATƏT-in fəaliyyətdə olan sədri, Polşa Respublikasının xarici işlər naziri Zbiqnev Rau ilə birgə keçirdiyi mətbuat konfransında bildirib:
"Münasibətlərimiz strateji tərəfdaşlıq səviyyəsinə inkişaf etməkdədir. Ölkələrimizin bir-birinə olan münasibəti iqtisadi əlaqələri inkişaf etdirməyə imkan verir".
C. Bayramovun sözlərinə görə, Polşanın ATƏT-də sədrliyi çox önəmli dövrlə təsadüf edir:
"Bu gün keçirilən müzakirələr zamanı Ukraynada baş verən məsələlər də müzakirə olunub. Bu hamını narahat edir. Eyni zamanda humanitar yardım məsələsi müzakirə mövzusu olub" .
Nazir bildirib ki, 20 minə yaxın Azərbaycan vətəndaşı Ukraynadan çıxarılıb:
"4 minə yaxın soydaşımız Ukrayna sərhədini məhz Polşadan keçiblər. Soydaşlarımıza göstərilən dəstəyə görə həmkarıma təşəkkür edirəm" .
