Çap olunan kitablarda niyə çoxlu səhvlər buraxılır? - “Çıxışa doğru”da MÜZAKİRƏ – VİDEO
Ölkəmizdə mətbuata, nəşriyyata nəzarət qaldırılıb. Vaxtilə Mətbuat Komitəsi var idi. Bu komitənin Nəşriyyat İdarəsi var idi.
Ümumiyyətlə, nəşrlərə həm təşkilati, həm də keyfiyyət baxımından nəzarət edilirdi. Digər tərəfdən də, Baş Ədəbiyyata Nəzarət İdarəsi (BƏNİ) var idi, bu, Milli Təhlükəsizlik Nazirliyinin orqanı idi. Amma nəşriyyatlarda otururdular. Mən kitablarımı hazır olandan sonra ora aparırdım, orada baxılırdı. Əgər uyğun deyildisə, geri qaytarırdılar, sahmana salınırdı, işlənirdi, daha sonra möhür vurulurdu ki, çap oluna bilər. Bu mərhələlər indi yoxdur. Amma nəşriyyatın özünün funksiyası və nəşriyyat olmaq qaydaları ki var, o qalır. Bu, nədən ibarətdir?
1news.az-ın verdiyi xəbərə görə, AzTV-nin “Çıxışa doğru” verilişində "Son dövrlərdə çap olunan kitablarda niyə çoxlu səhvlər buraxılır?" mövzusunda aparılan müzakirələr zamanı bu barədə ətraflı danışılıb. Verilişin qonaqları – "Azərbaycan Nəşriyyatları" İB-nin sədri, filologiya üzrə fəlsəfə doktoru Şəmil Sadiq, MTRŞ-ın üzvü Telli Pənahqızı, sənətşünaslıq doktoru, prifessor İlham Rəhimli, BDU-nun Kitabşünaslıq və Nəşriyyat İşi kafedrasının müdiri, dosent Knyaz Aslan və "Altun kitab" nəşriyyatının direktoru, filologiya üzrə fəlsəfə doktoru, Azərbaycan dili dərsliklərinin müəllifi Rafiq İsmayılov mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
