Deputat peşə təhsilindən danışdı: Bu heç də yaxşı göstərici deyil
“Peşə Təhsili üzrə Dövlət Agentliyinin yaradılması peşə təhsilinin inkişafına müəyyən təkan verdi”.
1news.az xəbər verir ki, bu fikirləri millət vəkili Etibar Əliyev Milli Məclisin plenar iclasında səsləndirib.
Deputat bildirib ki, lakin bir müddət sonra durğunluq yarandı.
“Agentlikdə 6 ildə 5 direktor dəyişdi. Təhsil pillələri arasında zəif əlaqə mövcuddur. Bu da agentliyin kifayət qədər inkişaf etməməsindən xəbər verir”.
Deputat bildirib ki, ötən il icbari təhsilini başa vurmuş 11 min və 11-ci sinifi başa vuran 6 min şagird peşə təhsilinə üz tutub.
“Bu peşə təhsili üçün heç də yaxşı göstərici deyil. Çox aşağı göstəricidir. Bu il 11-ci sinif məzunlarından 23650 nəfəri 0-50 bal toplayıb. Ölkədə savadsızlıq tüğyan edir”.
