Zahid Oruc: Qarabağın bərpasında xarici dövlətlər dəstək verməlidir
“Qarabağın bərpasına 100 milyardlarla manat vəsait lazımdır”.
1news.az xəbər verir ki, bunu Milli Məclisin deputatı, Sosial Tədqiqatlar Mərkəzinin İdarə Heyətinin sədri Zahid Oruc deyib.
Deputat bildirib ki, bunu tək bir dövlət qarşılaya bilməz.
“Elə isə nəyə görə Türk Dövlətləri Təşkilatları xeyirxah bir aksiya keçirmir, yaxud İslam ölkələri İslam ölkələrinin elə müqəddəs Ramazan ayında belə bir aksiya keçirə bilər.
Minaların təmizlənməsinə hərəsi çox yox, 10 milyon dollar yardım ayıra bilərlər".
“O cümlədən, Corc Marşalın varisləri Qarabağda azad olunan torpaqlarda bir küçənin bərpasını üstənə bilməzlərmi?” - deyə, deputat əlavə edib:
“100 il əvvəl Xəzər dənizinə donanma ilə gələn general Tomsonun Qarabağda yeganə ali hakimiyyət rəhbəri kimi tanıdığı Xosrov bəy Sultanova münasibəti indi Britaniya təkrarlasa, Şuşada bir məhəllənin bərpasını öz üzərinə götürsə ədalətli olmazmı? İki dəfə Bakıya gələn Şarl De Qolun müqavimət hərəkatında vuruşan azərbaycanlılara ehtiramını davam etdirmək üçün yenidən seçilən Makrondan çoxmu fədakarlıq tələb olunur? Avropa dövlətləri Qarabağda Sülhdən milyardlar qazanacaqlar. Biz o şəhərlərdə hərkəsin adını öz adı ilə yazıb tarixiləşdiriəcəyik”.
