Sahibə Qafarova İƏT PA-nın iclasında mina problemini qaldırdı
“Azərbaycan uzun illər işğal altında qalan torpaqlarını 2020-ci il sentyabr ayında başlayan və 44 gün davam edən ikinci Qarabağ müharibəsində öz gücünə azad etdi”.
1news.az xəbər verir ki, bunu İqtisadi Əməkdaşlıq Təşkilatı Parlament Assambleyasının Bakıda keçirilən Üçüncü Ümumi Konfransında Milli Məclisin sədri Sahibə Qafarova deyib:
“Müharibə bitib, bölgədə yeni reallıqlar yaranıb. Ancaq Ermənistan öz öhtəliklərini yerinə yetirmir. Azərbaycan azad olunmuş ərazilərdə bərpa-quruculuq işlərini sürətlə aparır. Azad edilmiş ərazilərdə bərpa işlərinə ən əsas maneə mina problemidir”.
Sədr bildirib ki, Azərbaycan ən çox minalarla çirklənmiş ölkə olsa da, ən az beynəlxalq maddi yardım alan ölkədir:
“Ermənistan Azərbaycanın irəli sürdüyü 5 baza prinsipini qəbul etdiyini elan etsə də, Ermənistanın hər hansı addımlar atması müşahidə olunmur. Azərbaycan sülh danışıqlarına başlamağa hazırdır. Ermənistan anlamalıdır ki, üzərinə götürdüyü öhdəlikləri yerinə yetirməlidir”.
