Azərbaycan kikboksçusu İslamiadada qızıl medal qazanıb

Azərbaycan kikboksçusu Fərid Ağamoğlanov V İslam Həmrəyliyi Oyunlarında qızıl medal qazanıb.

1news.az-ın Trend-ə istinadən məlumatına görə, Fərid Ağamoğlanov (63 kq) Mərakeş idmançısına qalib gələrək birinci pilləyə yüksəlib.

Qeyd edək ki, V İslam Həmrəyliyi Oyunları Türkiyənin Konya şəhərində keçirilir. Yarışların rəsmi bağlanış mərasimi bu gün - avqustun 18-də baş tutacaq.

Ümumilikdə İslam Həmrəyliyi Oyunlarında İslam Əməkdaşlıq Təşkilatına üzv olan 56 ölkənin idmançıları iştirak edir.