Tokioda erməni karateçilər azərbaycanlı karateçilər ilə döyüşdən qorxdular

Yaponiyanın paytaxtı Tokio WSKF ənənəvi karate-do üzrə 15-ci dünya çempionatına ev sahibliyi edib.

1news.az xəbər verir ki, çempionatda dünyanın 32 ölkəsindən 450 idmançı iştirak edib.

Azərbaycan millisi yarışda dörd idmançı ilə təmsil olunub. İmran Quluzadə (74 kq) və Fuad Əliyev (+75 kq) qızıl medal qazanıblar. Komanda turnirində də Fuad Əliyev, Mehman Eynalov, İran Quluzadə və Əhməd Əfəndidən ibarət Azərbaycan komandası birinci yeri tutub.

Mehman Eynalov (+75 kq) fərdi yarışda da ikinci olub.

Komandalar arasında keçirilən turnirdə maraqlı hadisə baş verib. İkinci görüşdə Azərbaycanın rəqibi Ermənistan olmalı idi. Amma Ermənistan komandası zalı tərk edərək döyüşməkdən imtina edib.