Şəhid Orxan Əsgərov İkinci Fəxri Xiyabanda dəfn edilib - FOTO - YENİLƏNİB 1

Şəhid Orxan Əsgərov İkinci Şəhidlər xiyabanında dəfn edilib.
******
12:15
Şəhid Orxan Əsgərovun cənazəsi dəfn olunması üçün İkinci Fəxri Xiyabana gətirilib.
1news.az-ın məlumatına görə dəfn mərasimində mərhumun ailə üzvləri, yaxınları və dövlət rəsmləri iştirak edirlər.
******
11:58
Azərbaycanın İrandakı səfirliyində törədilmiş terror aktı zamanı şəhid olan Orxan Əsgərovun cənazəsi evindən İkinci Şəhidlər xiyabanına yola salınıb.
1news.az xəbər verir ki, Yasamal rayonunda yerləşən evinin qarşısında şəhidlə vida mərasimi keçirilib.
Daha sonra Orxan Əsgərovun nəşi dəfn olunması üçün İkinci Şəhidlər xiyabanına göndərilib.
Qeyd edək ki, yanvarın 27-si Bakı vaxtı ilə səhər saat 8:30 radələrində Tehrandakı səfirliyimizə terror hücumu olub. Hücum edən şəxs avtomat silahla mühafizə postunu yararaq, mühafizə xidmətinin rəisi Orxan Əsgərovu qətlə yetirib. Səfirliyin iki əməkdaşı isə hücumun qarşısını alarkən yaralanıblar. Ötən gün yerli vaxtla saat 22:00 radələrində şəhidimizin nəşi, xəsarət alanlar, səfirliyin digər əməkdaşları və ailə üzvləri Bakıya gətirilib. Azərbaycanın İrandakı səfirliyinin fəaliyyəti tam dayandırılıb.



