Ermənistanda cinayətlərin sayı kəskin artıb

2022-ci ildə Ermənistanda törədilən cinayətlərin ümumi sayı əvvəlki ilə nisbətən 24,4% artıb.

1news.az “Sputnik Ermənistan”a istinadən xəbər verir ki, bu məlumatlar Ermənistan Daxili İşlər Nazirliyi tərəfindən dərc edilib.

Qeydə alınmış 37 612 faktdan 56,6%-i ağır olmayan, 27,6%-i isə orta ağır cinayətlərdir.

Bundan əlavə, qəsdən sağlamlığa ciddi zərər vurma, xuliqanlıq, soyğunçuluq, fırıldaqçılıq, kompüter texnologiyasından istifadə edərək oğurluq hallarının artması qeydə alınıb.