Rusiya Vaqnerin gətirdiyi silahların fotosunu yayıb

Vaqner muzdlu qruplaşmasının Rusiya ordusuna verdiyi silah və sursatların görüntüləri paylaşılıb.

1news.az xarici KİV-ə istinadla xəbər verir ki, Rusiya Vaqnerin gətirdiyi silahların fotosunu yayıb.

İyunun sonunda Moskvaya qarşı üsyana cəhd edən muzdlu “Vaqner” qrupu rus ordusuna yüzlərlə ton silah, texnika və sursat çatdırıb.

Qeyd edək ki, ötən ayın 24-də Rusiyanın muzdlu “Vaqner” qrupunun lideri Yevgeni Priqojin Moskvaya qarşı üsyan qaldırmışdı. Ukraynaya yaxın metropoliten şəhərlərindən biri olan Rostovun Vaqnerin nəzarətinə keçdiyi iddia edilirdi.