Lavrovdan sərt cavab: “Rusiya bunu nüvə təhlükəsi kimi qiymətləndirəcək”
Tarixi NATO sammitinin əks-sədaları davam etdiyi bir vaxtda Rusiyadan sərt reaksiya gəldi.
Ukraynaya F-16 döyüş təyyarələrinin tədarükü məsələsini dəyərləndirən Rusiyanın xarici işlər naziri Lavrov bunun nüvə təhlükəsi sayılacağını açıqlayıb.
Dünyanın gözü və qulağı aylardır Ukraynadan gələn xəbərlərdədir. Ötən ilin fevralında Rusiya prezidenti Putinin göstərişi ilə başlayan müharibə Ukraynanın şərq vilayətlərində aramsız şəkildə davam edir.
1news.az "Hürriyet"ə istinadən xəbər verir ki, bir müddətdir Ukrayna ordusunun hücumuna qarşı müdafiə mövqeyi tutan Rusiyadan yeni bir açıqlama gəlib.
NATO ölkələrinin Ukraynaya F-16 təlimi vəd etməsinə və baş katib Stoltenberqin F-16-ların Ukraynaya göndərilə biləcəyi barədə açıqlamasına Rusiyanın cavabı sərt oldu.
Lavrov Qərbin Kiyevə ABŞ-ın dizayn etdiyi döyüş təyyarələri vermə planlarının “son dərəcədə təhlükəli bir xəbər” olduğunu bildirib.
Rusiyalı nazir Moskvanın Ukraynadakı F-16-ları nüvə təhlükəsi hesab edəcəyini vurğulayaraq Qərbə hədə-qorxu gəlib.
Lavrov əlavə edib ki, o, ABŞ tərəfindən hazırlanmış F-16 döyüş təyyarələrinin nüvə imkanlarına göz yuma bilməz.
