Azərbaycan Vəkillər Kollegiyasına yeni mətbuat katibi təyin olunub
Jurnalist İsmayıl Nəsibli Azərbaycan Vəkillər Kollegiyasının mətbuat katibi vəzifəsinə təyin olunub
1news.az xəbər veri ki, bu barədə İ.Nəsibli özü sosial şəbəkə hesabında məlumat verib.
"Əziz dostlar, 8 ildir ki, fəaliyyət göstərdiyim "Report" İnformasiya Agentliyi ilə yollarımız ayrıldı. Bu illər ərzində mənə inanan, etibar edən, dəstək olan bütün dostlara, rəhbər şəxslərə təşəkkür edirəm. Bu gündən isə iş həyatımda yeni yola, yeni başlanğıca start verirəm. Artıq fəaliyyətimi Azərbaycan Respublikasının Vəkillər Kollegiyasının Mətbuat katibi vəzifəsində davam etdirəcəyəm. Mənə göstərilən bu yüksək etimada görə Vəkillər Kollegiyasının rəhbərliyinə dərin təşəkkürümü bildirirəm. Bu etimadı doğrultmağa və həmkarlarımla fəaliyyətimizin daha da effektiv olması üçün əlimdən gələni etməyə çalışacağam" deyə, İ.Nəsibli qeyd edib.
