Bayden: “Ağaca dırmaşmaq istəyirəm”
Amerika Birləşmiş Ştatlarının Prezidenti Cozef Bayden seçkiqabağı görüşdə ağaca dırmaşmaq istədiyini deyib.
1news.az xarici KİV-ə istinadla xəbər verir ki, Bayden bu haqda mətbuat işçilərinə müsahibəsi zamanı deyib.
"Bayden zarafatla həyətin ortasında böyüyən böyük ağaca dırmaşmaq istədiyini və evə qayıtmaq istəmədiyini bildirib", - deyə məlumatda qeyd olunub.
Mətbuat nümayəndələri aydınlıq gətiriblər ki, ABŞ prezidentinin həyətindəki ağaca dırmaşmaq istəyinin zarafat olub-olmadığı məlum deyil.
Əlavə məlumat üçün qeyd edək ki, ABŞ prezidentinin ötən ilin noyabrında 80 yaşı tamam olub. O, ictimai çıxışlarında tez-tez müxtəlif yanlışlara və kobud səhvlərə yol verir. Respublikaçılar bundan dövlət başçısının Birləşmiş Ştatlara rəhbərlik etməyə davam etmək üçün əqli və fiziki qabiliyyətini şübhə altına almaq üçün partiyalar arası mübarizədə istifadə edirlər.
