Ceyhun Bayramov BMT-nin Avropa üzrə İqtisadi Komissiyasının icraçı katibi ilə görüşüb | 1news.az | Xəbərlər
Siyasət

Ceyhun Bayramov BMT-nin Avropa üzrə İqtisadi Komissiyasının icraçı katibi ilə görüşüb

15:44 - 23 / 11 / 2023
Ceyhun Bayramov BMT-nin Avropa üzrə İqtisadi Komissiyasının icraçı katibi ilə görüşüb

Azərbaycanın xarici işlər naziri Ceyhun Bayramov Mərkəzi Asiya Ölkələrinin İqtisadiyyatları üçün BMT-nin Xüsusi Proqramı (SPECA) həftəsi çərçivəsində ölkəmizdə səfərdə olan BMT-nin Avropa üzrə İqtisadi Komissiyasının (UNECE) icraçı katibi Tatyana Molçan ilə görüşüb.

Bu barədə 1news.az-a Xarici İşlər Nazirliyindən məlumat verilib.

Görüşdə Azərbaycan və UNECE arasında əməkdaşlıq gündəliyi və əməkdaşlıq perspektivləri, eləcə SPECA daxil olmaqla, ölkəmizin Orta Asiya ilə əlaqələri və bu çərçivədə UNECE-nin mümkün rolu müzakirə olunub.

Nazir Ceyhun Bayramov UNECE-nin əhatə dairəsinə daxil olan ətraf mühit, enerji, şəhər planlanması və s. istiqamətlərdə birgə səylərin artırılmasının vacib olduğunu vurğulayıb. SPECA-nın əsasının qoyulmasından etibarən ölkəmizin bu platforma çərçivəsində fəaliyyətə aktiv şəkildə töhfə verdiyini, bu istiqamətdə, xüsusilə Mərkəzi Asiya ölkələri ilə üçtərəfli əməkdaşlıq formatlarının mövcudluğunun birgə uğurlu layihələrin həyata keçirilməsinə daha böyük təkan verdiyini diqqətə çatdırıb.

SPECA ölkələri ilə müxtəlif o cümlədən, iqtisadi, ticarət, enerji təhlükəsizliyi, alternativ enerji mənbələri, nəqliyyat, kommunikasiyalar, ətraf mühit, innovasiyalar, dayanıqlı inkişaf məqsədləri və s. sahələr üzrə faydalı əməkdaşlıq gündəliyinin mövcudluğu məmnunluqla qeyd olunub. Xüsusilə, regional nəqliyyat və kommunikasiya xətlərinin inkişafı, o cümlədən Orta Dəhlizin imkanlarının genişləndirilməsi sahəsində mövcud təşəbbüslər və layihələrin əhəmiyyəti vurğulanıb.

2023-cü ildə SPECA-ya sədrliyimiz dövründə bu platforma çərçivəsində əməkdaşlığın gücləndirilməsi, habelə SPECA ölkələrinin ikitərəfli, regional və beynəlxalq əlaqələrinin genişləndirilməsi istiqamətində Azərbaycanın səylərindən bəhs edən nazir Ceyhun Bayramov, Bakıda keçirilən SPECA həftəsi çərçivəsində baş tutacaq SPECA Sammitinin bu səylərin vacib nəticələrindən biri olduğunu qeyd edib.

İcraçı katib T.Molçan Azərbaycanın SPECA-ya sədrliyi dövründə onun müasir dövrün çağırışlarına uyğun platformaya çevrilməsi istiqamətində göstərdiyi səylərin təqdirəlayiq olduğunu qeyd edib. Bu istiqamətdə, növbəti gün Bakı şəhərində keçiriləcək SPECA Sammitinin regional və beynəlxalq çağırışların fonunda Proqram çərçivəsində əməkdaşlığın gücləndirilməsində əhəmiyyətli rol oynayacağına dair ümidvarlıq ifadə olunub.

Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Paylaş:
239

Son xəbərlər

Martın 10-da buraxılış imtahanı keçiriləcəkBu gün, 15:16Zabrat-Kürdəxanı şosesi ilə Əjdər Məlikov küçəsinin kəsişməsində yenilikBu gün, 15:07Qəzza qurbanlarının sayı 30 minə çatırBu gün, 15:06“Yanar dağ” və Əli daşı türbəsi yerli əhəmiyyətli daşınmaz tarix və mədəniyyət abidələri siyahısına salınıbBu gün, 14:51Müəllimlərdən rüşvət alan direktor işdən çıxarıldıBu gün, 14:36Bu günədək qızılca peyvəndi vurduranların sayı açıqlanıbBu gün, 14:35Ədliyyə naziri təyin edilən Fərid Əhmədov kimdir? - DOSYEBu gün, 14:16Azərbaycanın dəniz sərhədi pozulub, İran vətəndaşları saxlanılıbBu gün, 14:11ASAP tərəfindən Xocalı soyqırımının ölkə xaricində tanıdılması istiqamətində silsilə tədbirlər keçirilib - FOTOBu gün, 14:02Narkotik istifadəçiləri arasında İİV-ə yoluxanların sayı 2 dəfə azalıbBu gün, 13:34Doktorantura və dissertantura səviyyəsində danışıq bloku üzrə imtahan keçiriləcəkBu gün, 13:11İyirmi bir il əvvəl törədilmiş qəsdən adam öldürmə cinayətinin üstü açılıbBu gün, 12:58Sabahın hava proqnozuBu gün, 12:46İlham Əliyev Səudiyyə Ərəbistanının Həcc və Ümrə nazirini qəbul edib - YENİLƏNİBBu gün, 12:45Pirallahı qəsəbəsində Elmar Nəbiyev küçəsi əsaslı təmir edilibBu gün, 12:27Azərbaycanın yeni ədliyyə naziri təyin edilibBu gün, 12:09Dünya bazarlarında qızıl və gümüş bahalaşıbBu gün, 11:59Məşhur türk aktyor vəfat edibBu gün, 11:43FHN: Ötən sutka 24 yanğına çıxış olub, 7 nəfər xilas edilibBu gün, 11:34Xankəndidə uşaq bağçasının zirzəmisində dron və xeyli silah-sursat tapılıb - FOTOBu gün, 11:14
Bütün xəbərlər