“ASG Helicopter Services” şirkətinin Baş direktoru: “Əsas məqsədimiz uçuş təhlükəsizliyinin idarə edilməsi sisteminin ən son nailiyyətlərini tətbiq etmək, sərnişinlərə göstərilən xidmət səviyyəsinin inkişafına və yüksəldilməsinə nail olmaqdır” | 1news.az | Xəbərlər
Müsahibə

“ASG Helicopter Services” şirkətinin Baş direktoru: “Əsas məqsədimiz uçuş təhlükəsizliyinin idarə edilməsi sisteminin ən son nailiyyətlərini tətbiq etmək, sərnişinlərə göstərilən xidmət səviyyəsinin inkişafına və yüksəldilməsinə nail olmaqdır”

13:15 - 24 / 05 / 2024
“ASG Helicopter Services” şirkətinin Baş direktoru: “Əsas məqsədimiz uçuş təhlükəsizliyinin idarə edilməsi sisteminin ən son nailiyyətlərini tətbiq etmək, sərnişinlərə göstərilən xidmət səviyyəsinin inkişafına və yüksəldilməsinə nail olmaqdır”

“ASG Helicopter Services” MMC-nin Baş direktoru Azər Qəzənfər oğlu Sultanovla ilə müsahibəni oxucularımıza təqdim edirik.

Müasir Azərbaycanda mülkü aviasiya sahəsində helikopter əməliyyatlarını aparan şirkət “ASGHS”MMC barəsində qısa məlumat verərdiniz.

“ASG Helicopter Services” şirkəti Azərbaycanın ən müasir aviasiya müəssisələrindən biridir. Zabrat aeroportunun ilk helikopter eskadrilyasının yaranma tarixi ötən yüzilliyin 60-cı illərinə təsadüf edir. Həmin vaxtdan Azərbaycanda dayanıqlı və inkişaf edən, yerli peşəkar kadrların hazırlığına və ən müasir hava gəmilərinin istismarına fokuslanmış mülki aviasiya sahəsi formalaşıb. Bu sahənin fəaliyyət tarixində Ümumilli Lider Heydər Əliyevin xüsusi rolu, mülki aviasiya iqtisadiyyatının dayanaqlı inkişafı və sabitliyin təmin olunmasında ölkə Prezidenti İlham Əliyevin mühüm diqqət və dəstəyindən yararlanaraq, Respublikanın helikopter hava parkının köhnəlmiş modelləri ən müassir "Airbus", "Sikorsky", "Leonardo Helikopters" kimi Qərb aviasiya nəhənglərinin istehsal etdiyi hava gəmiləri ilə əvəz olundu.

2008-ci ildən fəaliyyət göstərən Azərbaycan və Xəzər regionunun helikopter xidmətləri sahəsində aviasiya lideri "ASG Helicopter Services" MMC bu sahənin tələbatlarını təmin edərək hər il 55 mindən çox sərnişin habelə ixtisaslaşmış yüklər daşıyır.

Hazırda şirkətdə 500 nəfərdən çox əməkdaş çalışır, peşəkar uçuş heyyəti, Azərbaycan və xarici mütəxəssislərdən ibarət mühəndis texniki heyyət mövcuddur.

Hal-hazırda hansı növ hava gəmiləri şirkət tərəfindən istismar edilir?

Hazırda baza aeroportu hesab edilən “Zabrat hava limanı”nda yerləşən helikopter parkına Sikorsky S-92A, Leonardo Helicopters AW139, AW109, Airbus Helicopters AS-332L1, Airbus Helicopters EC-155B1, Mi-8MTV helikopterləri daxildir.

2023-cü ildə Birləşmiş Ərəb Əmirliklərində keçirilən “Dubai Air Show 2023” sərgisi zamanı şirkətlər arasında əməkdaşlığın strateji istiqamətlərini müəyyən edən görüşlərdə 2 ədəd yeni “Agusta Westland 189” tipli muasir helikopterlərin alınmasına qərar verilmişdi.

Rəhbərlik etdiyiniz şirkətin işçilərinin peşə hazrılığı barəsində nə deyə bilərsiniz?

Şirkət mövcud olduğu müddət ərzində helikopter xidmətləri bazarında tanınıb, uğurla xüsusi sertifikatlaşmalardan keçib, şirkətin texniki heyəti həm yerli, həm də beynəlxalq "EASA Part-145" tənzimləyiciləri tərəfindən və digər beynəlxalq mərkəzləri tərəfindən sertifikasiya olunub, Avropanın "AgustaWestland" helikopterlərinin istehsalçısı "Leonardo" şirkəti tərəfindən "AW" tipli hava gəmiləri üçün "Təsdiq olunmuş Servis Mərkəzi" olaraq tanınıb. Şirkətin personalı ilkin və yenidən hazırlıq təlimlərini dünya miqyaslı tanınmış CAE, HELİSİM, COPTERSAFETY kimi beynəlxalq təlim mərkəzlərində keçir və aviasiya sahəsində yüksək ixtisasa malikdirlər. Şirkətdə yerli mütəxəsisslərlə yanaşı xarici mütəxəsislərdə çalışır.

Aviaşirkətimizin pilot heyəti helikopterləri üzən platforma və gəmilərə eniş etməli olurlar ki, bu da yüksək səviyyədə peşəkarlıq və bu növ uçuşların keçirilməsi üzrə böyük təcrübə tələb edir. Böyük qürur hissi ilə demək olar ki, şirkətin pilotlarının təqribən hamısı bu cür peşəkar keyfiyyətlərə malikdir. Şirkətin pilotları "Formula 1" yarışlarının havadan çəkilişlərini təmin etmək üçün Bakı şəhəri üzərində uçuşlar həyata keçirdirlər ki, bu da şəhər mühitində dəyişkən relyef üzərində uçuşlar etməyin mürəkkəb elementlərindən biridir.

Hava gəmisinini uçuşu zamanı fövgəladə hallar baş verərəsə hansı tədbirlər nəzədə tutulub, ümumiyyətlə helikopterlərin təhlükəsiz uşuçları necə təmin olunur??

Ulu Öndərin kəlamını yada salmaq istərdim “Azərbaycan Hava Yolların”nın ən vacib vəzifəsi uçuşların təhlükəsizliyinin təminatıdır.

“Uçuşların təhlükəsizliyi” bizim aviaşirkətimiz üçün də bir nömrəli prioritet məsələdir.

İlk öncə qeyd etmək istərdim ki, şirkət Dövlət Mülkü Aviasiya Agentliyi tərəfindən Texniki Servis Cari və Əsaslı Təmir (MRO) təşkilatı kimi tanınıb, yəni uçuş yararlığının saxlanılması departamenti, Qərb və Şərq tipli hava gəmilərinə texniki xidmət anqarlarına, avadanlıqlara, alətlərə və peşəkar mühəndis texniki heyyətə malikdir. Eyni zamanda şirkət ildə bir dəfə EASA (Avropa Beynəlxalq Aviasiya Agentliyi) tərəfindən aparılan texniki auditin nəticəsində Texniki Servis Mərkəzlərin fəaliyyəti üçün mühüm olan xüsusi “Part 145” təşkilatı Sertifikatının uzadılmasına nail olur. Həmin sertifikat şirkətin istismarında olan bütün hava gəmilərinin, habelə avropanın istənilən ölkəsinə məxsus hava gəmisinə texniki xidmətinin və təmirin aparılmasına hüquq verir.

Təbii ki, nəqliyyatda fövqəladə hallar baş verə bilər və şirkətdə belə fəsadların aradan qaldırılması üzrə ciddi prosedurlar hazırlanıb və təsdiqlənib. Əlavə olaraq belə halların baş verməmsi üçün preventiv tədbirlərin görülməsi üzrə də müvafiq uçuşların təhlükəsizliyinə və texniki xidmət aparılmasına bir sıra nəzarət sistemləri mövcuddur.

Bütün hava gəmiləri hava gəmisində baş verə biləcək nasazlıqlardan dəlalət edən indikator və operativ nəzarət sistemləri ilə təchiz edilib, fövqəlada hallarda qəza enmə avadanlıqları daim işlək vəziyyətdə saxlanılır. Əlavə olaraq nəzərə çarpacaq təhlükəsizlik amillərdən biri də odur ki, şirkətdə istismar olunan, sərnişin və yüklərin daşınmasına cəlb edilən bütün hava gəmiləri məhz iki mühərriklidirlər və bir mühərrikdə nasazlıq baş versə ikinci mühərrikin gücü ilə təhlükəsiz eniş etmək mümkündür. İstənilən halda uçuş zamanı hər hansı nasazlıq baş verərsə HG kapitanı uçuşu davam etdirmək və ya bazaya qayıdmaq qərarı verir. Şirkətin təhlükəsizlik siyasətinə əsasən hər hansı cüzi nasazlıq olarsa uçuş heyəti geri dönməyə üstünlük verir, bu o demək deyil ki, kritik vəziyyətdir, risklərin tam sıfıra bərabərləşdirmək məqsədini daşıyır.

Şirkət istismarında olan bütün hava gəmilərinin istehsalçıları ilə daim kontaktadır, istehsalçıların HG yararlığının müşahidə edilməsi, yeniliklərin yerləşdirilməsi və izlənməsi üzrə xüsusi proqram təminatına abunəçidir və davamlı iş aparılır, orijinal ehtiyat hissələrin təchizatı onlar tərəfindən təmin edilir. Şirkətin Keyfiyyət Sistemi yalnız Orijinal İstehsalçı (OEM) məhsulların təchizatını təmin edir, dublikat, boz və ya qara bazar məhsullarından istifadə edilməsini istisna edir.

Bundan başqa insan faktoru üzrə nöqsanların qarşısını almaq üçün şirkətdə bütün hava gəmilərinin uçuş yararlığının saxlanılması üzrə xüsusi program təminatından istifadə edilir. Bu proqram Kanada şirkətindən əldə edilmiş, xüsusi açarlarla user-lərin istifadəsindədir. Həmin proqram təminatı vasitəsi ilə hava gəmilərinə aid bütün komponentlərin və agreqatların dövrü, təqvimi təmiri və inspeksiya müddətləri avtomatik izlənilir və xüsusi indikatorlar vasitəsi ilə elektron poct şəklində texniki departamentə məlumatlar ötürülür. Həmin məlumatlar əsasında lazımi komponentlərin vaxtında dəyişdirlməsi və təmirə göndərilməsi təşkil edilir.

Xüsusi diqqət şirkətin anbarlarına yönəldilir. Burada müəyyən ehtiyat hissələrinin və alətlərin saxlanılması şəraitinə fərqli yanaşma tətbiq edilir. Belə ki, bir sıra məsrəf materialların, alətlərin və komponentlərin saxlanılması üçün xüsusi saxlanma sahələri mövcuddur, sahələrdə rütubətin və hərarətin tələb edilən səviyyədə saxlanılması üçün müvafiq avadanlıqlar quraşdırılmış və işlək vəziyyəti daim izlənilir.

Hava gəmilərini idarə edən uçuş heyyətin ixtisas səviyyəsini necə qiymətləndirirsiniz?

Uçuş Heyət Üzvlərinin ixtisas səviyyəsini yüksəltmək, uçuşların təhlükəsiz yerinə yetirilməsi, öncədən keçdikləri təlimlərdən asılıdır.

Məsələn:

- Pilotların ixtisas təlimləri. Qəza hallarını imitasiya edən qurğularda keçirilən təlimlər. Bu qurğularda pilotlar mümkün olan bütün qəza hallarının qarşısını almaq məqsədi ilə müvafiq təlimlər keçirlər və sonda imtahan olunurlar. Bu təlim hər pilot üçün ildə iki dəfə keçirilir. (hər 6 aydan bir)

- Əlavə olaraq bildirim ki, əsas işimiz dəniz üzərində olduğu üçün nəinki pilotlar hətda bütün dənizə uçan sərnişinlər belə hər 3 ildən bir Su altında helikopterdən xilas olma təlimi (Helicopter Underwater Escape Training) təlimini keçirlər. Bu təlim xüsusən helikopter suya qəza enişi edərsə enmədən sonra ekipajın və sərnişinlərin HG-ni necə tərk etməsini öyrədir.

- eyri ixtisas təlimləri də var ki, bunlardan First Aid (ilkin tibbi yardım), Fire Fighting (Yanğın zamanı yanğının söndürülməsi üsulları), DG (Təhlükəli yüklərin daşınması) göstərmək olar. Bütün uçuş heyətləri bu təlimləri keçirlər və bu təlimlərin vaxtının çıxmasına nəzarət proqramı da mövcuddur ki, hər bir pilotun istənilən təliminin vaxtının çıxmasına 30 gün, 15 gün, 7 gün və 1 gün qalmış ay ərzində 4 dəfə Təlim şöbəsinin rəhbərliyinə elektron məlumat göndərir. Təlim şöbəsi də öz növbəsində mtəlimlərin təşkil edilməsini və pilotların ixtisas səviyyəsinin yüksək səviyyədə saxlanılmasını təmin edir.

Müasir tələblərə və cağrışlara görə iqtisadiyyətin istənilən sahasində yeni termin “SMS” tətbiq edilir, bu nədir və sizin şirkətdə bu tətbiq edilirmi??

SMS - abreviaturası Safety Management System kimi ifadə edilməklə tərcümədə “Təhlükəsizliyin İdarəetmə Sİstemi” anlamına gəlir. Aviasiya industriyasında bu sistemin ərsəyə gəlməsində əsasən Beynəlxalq Mülki Aviasiya Təşkilatının (İCAO) müstəsna rolu olmuşdur ki , SMS bir sistem olaraq 2006-cı ildən etibarən həmin təşkilata üzv ölkələr tərəfindən istifadə edilməsi tövsiyyə edilmişdir və daha sonralar bu bir tələb formatına keçid etmişdir. Təhlükəsizliyin idarəetmə sistemi (SMS) zəruri təşkilati strukturlar, hesabatlar, siyasət və prosedurlar daxil olmaqla, təhlükəsizliyin idarə edilməsində sistemli bir yanaşmadır.Sistem əsasən təşkilatda mövcud olar təhlükələrin təyin edilməsi, risklərin qiymətləndirilməsi və nəzarət mexanizmlərinin effektivliyinə əminlik yaratmaq kimi fəaliyyətlərin icrasını tələb edir. Daha açıq ifadə etsək, fəaliyyətimizdə bütün təhlükələr öncədən öyrənilməklə təhlil edilir, onların təsir sahələri müəyyən edilməklə yaratdığı risklər qiymətləndirilir və yalnız riskin dərəcəsi qəbul edilən səviyyəyə salındıqdan sonra qiymətləndirilən fəaliyyətin icrası məqbul hesab edilir.

Fəxr hissi ilə qeyd etmək istərdik ki, Azərbaycan Respublikası məkanında, aviasiya industriyasında bu sistemi ilk tətbiq edən məhz ASG Helikopter Services olmuşdur ki, bununda tarixi 2011-ci ilə təsadüf edir və təşkilat olaraq bu sistemi daima təkminləşdirməklə fəaliyyətimizdə tətbiq edir və bununlada prioritet hədəfimiz olan uçuşların təhlükəsizliyini təmin edirik.

Sonda qeyd etməyi vacib bilirəm ki, sərnişinlərə göstərilən xidmət səviyyəsinin daim artırılması, inkişafı və müasirləşməsi bizim üçün proirotet və önəmli məsələdir. Əsas hədəfimiz qayda və qanunlara şərtsiz əməl etmək, təhlükəsiz uçuşları təmin etmək, və mühüm iqtisadi əhəmiyyət kəsb edən neft sanayesinin işçilərinə qulluq etməkdəın ibarətdir.

"ASG Helicopter Services" MMC helikopter xidmətləri sahəsində üzərinə düşən vəzifələrin icrasına və qoyulan tapşırıqlarla bağlı bütün zəruri fəaliyyətinin təmin olunmasına sadiqdir, ölkə aviasiyasının perspektiv inkişafına xidmət etməyə davam edəcəyini əmin edir.

Paylaş:
1005

Son xəbərlər

Bakıda iki avtomobil toqquşub, xəsarət alanlar varBu gün, 09:00Qərbi Azərbaycan İcması Ermənistandan Fransanın təxribatlarına uymamağı tələb edir18 / 06 / 2024, 23:16MN: Yeni müharibəyə görə məsuliyyəti Ermənistan rəhbərliyi və Makron diktaturası daşıyacaq18 / 06 / 2024, 18:19Bakıya külli miqdarda narkotik vasitə gətirmək istəyən şəxs saxlanılıb18 / 06 / 2024, 17:58COP29-un Yaşıl Zona üzrə tərəfdaşlıq və sərgiləmə müraciətlərinin qəbuluna başlanılır18 / 06 / 2024, 16:57Kəlbəcərdə yabanı halda bitən 1 ton 352 kq çətənə bitkisi məhv edilib18 / 06 / 2024, 16:09Milli Qəhrəman Mübariz İbrahimovun xatirəsi yad edilib18 / 06 / 2024, 15:28Küləkli hava şəraiti ilə bağlı sarı xəbərdarlıq edilib - XƏBƏRDARLIQ18 / 06 / 2024, 14:57DİN: Bakıda naməlum şəxslərin müxtəlif ünvanlarda sorğu keçirməsi görüntüləri araşdırılıb18 / 06 / 2024, 14:28Heydər Əliyev prospektində yanğına görə tətbiq edilən məhdudiyyət aradan qaldırılıb - YENİLƏNİB18 / 06 / 2024, 14:04MMF2024-ün ikinci gününün spikerləri bəlli oldu!18 / 06 / 2024, 14:00Ukraynadan daha 30 uşaq reabilitasiya xidmətləri üçün Azərbaycana gətirilib18 / 06 / 2024, 13:4340 dərəcə isti olacaq - Sabahın havası18 / 06 / 2024, 13:10Ötən ay Azərbaycanda restoranlara xərclənən məbləğ açıqlanıb18 / 06 / 2024, 12:48Çaylardan sel keçəcək, dolu düşəcək - XƏBƏRDARLIQ18 / 06 / 2024, 12:45Azərbaycanda taksi fəaliyyəti üçün icazə alan sürücülərin sayı açıqlanıb18 / 06 / 2024, 12:28İsmayıllıda 17 yaşlı oğlan itkin düşüb18 / 06 / 2024, 12:09Son 5 ayda pensiya ödənişlərinə yönəldilən vəsaitin məbləği açıqlanıb18 / 06 / 2024, 11:19FHN-dən taxıl biçini mövsümü ilə əlaqədar yanğın təhlükəsizliyinə dair əhaliyə MÜRACİƏT - VİDEO18 / 06 / 2024, 10:52Azərbaycan neftinin qiyməti bahalaşıb18 / 06 / 2024, 10:34
Bütün xəbərlər