İctimai Televiziya və Radio Yayımları Şirkəti Yayım Şurasının iclası Şuşada keçirilib | 1news.az | Xəbərlər
Cəmiyyət

İctimai Televiziya və Radio Yayımları Şirkəti Yayım Şurasının iclası Şuşada keçirilib

Qafar Ağayev16:27 - 13 / 06 / 2024
İctimai Televiziya və Radio Yayımları Şirkəti Yayım Şurasının iclası Şuşada keçirilib

İctimai Televiziya və Radio Yayımları Şirkəti Yayım Şurasının Şuşada keçirilən iclasında Şirkətin Baş Direktoru Balakişi Qasımov 2023-2024-cü illər televiziya mövsümündə görülən işlər və nəzərdə tutulan planlar barədə geniş təqdimatla çıxış edib.

Qurumdan 1news.az-a verilən məlumata görə, bildirilib ki, hesabat dövründə İctimai Televiziya verilişlərin məzmun keyfiyyətini artırmaqla yanaşı, müasir texnoloji yeniliklərin tətbiqini davam etdirib. Yeni studiyalar dünyanın ən inkişaf etmiş telekanallarının yararlandığı son model texnologiyalar əsasında fəaliyyət göstərir. Baş direktor deyib ki, İctimai TV-nin efirində beynəlxalq əhəmiyyətli, lisenziyalı layihələrin yayımı uğurla davam edir. Məqsəd müasir televiziya verilişlərinin hazırlanaraq ictimaiyyətə təqdim edilməsi, intellektual proqramlarla bütövlükdə cəmiyyətin, onun ayrı-ayrı təbəqələrinin sosial, elm, təhsil, mədəniyyət, əyləncə və digər sahələrdəki ümumi maraqlarına xidmət etməkdir.

İclasda ayrı-ayrı verilişlər və həyata keçirilməsi planlaşdırılan layihələr haqqında ayrıntılı müzakirələr aparılıb. Yayımlanmış məzmunların ictimai əhəmiyyəti, aktuallığı və sosial şəbəkələrdə yüksək reytinq göstəricilərinə də toxunulub. Baş direktor qeyd edib ki, ölkəmizdə və beynəlxalq aləmdə ictimaiyyətin böyük maraqla izlədiyi AVRO-2024-ün Azərbaycanda eksklüziv yayım hüququ İctimai Televiziya və Radio Yayımları Şirkətinə məxsusdur. Almaniyada keçiriləcək turnirin 14 iyun tarixində açılış mərasimi birbaşa yayımlanacaq. Bir ay davam edəcək turnirin ən yüksək səviyyədə işıqlandırılması üçün hazırlıq işləri tamamlanıb. Azərbaycan ərazisində Avropa çempionatının bu oyunları İctimai Televiziyanın efiri ilə yanaşı, rəsmi YouTube kanalında da canlı yayımlanacaq. Eyni zamanda, gündəlik olaraq oyunların icmalları operativ şəkildə tamaşaçılara təqdim ediləcək. Planetin ən möhtəşəm idman yarışması, iyulun 26-dan avqustun 11-nə kimi davam edəcək “Paris-2024” Yay Olimpiya Oyunlarının Azərbaycanda eksklüziv yayım hüququ da İctimai Televiziya və Radio Yayımları Şirkətinə məxsusdur. Bütün idmaçılarımızın çıxışları, olimpiadanın rekordlar, sevinc və üzüntü ilə zəngin olan ən maraqlı, emosial anları İTV-nin efirində yaşanacaq.

Baş direktor həmçinin bildirilib ki, Sony Pictures, BBC, Discovery və digər məşhur şirkətlərin istehsalı olan ən baxımlı bədii, sənədli filmləri, lisenziyalı xarici serialları peşəkar dublyajla yayımlayan İctimai TV tamaşaçılara özünün istehsalı olan serialları da planlı şəkildə hazırlayaraq təqdim edir.

Müzakirələr zamanı çıxış edən Yayım Şurasının sədri Teymur Kərimli, Şura üzvləri – Həsən Cəfərov, Azər Həsrət, Yusif Babanlı, Azər Əliyev, Sevil Yusifova, Vüqar Zeynalov İctimai Teleradioda həyata keçirilən layihələri, müasir beynəlxalq təcrübənin tətbiqini və planlaşdırılan işləri yüksək qiymətləndirib, öz fikir və təkliflərini səsləndiriblər.

İclas iştirakçıları Şuşaya səfər çərçivəsində şəhərin gözəl, tarixi əhəmiyyətli məkanlarını - Cıdır düzü, Vaqifin Muzey Məqbərə Kompleksi, Yuxarı Gövhərağa məscidi, İcra Hakimiyyətinin inzibati binasını, "Güllələnmiş heykəllər" və Xan qızı bulağını ziyarət ediblər. Azərbaycanın ərazi bütövlüyü uğrunda canlarından keçmiş şəhidlərimizin xatirəsi anılıb.

Paylaş:
132

Son xəbərlər

Kapital Bank 2024-cü ilin 2-ci rübü üzrə maliyyə nəticələrini elan edib12 / 07 / 2024, 18:29Muxtar Babayev Macarıstanın ətraf mühit naziri ilə görüşüb12 / 07 / 2024, 18:00Bu ilin altı ayı ərzində narkotik alverinə görə məsuliyyətə cəlb edilənlərin sayı açıqlandı12 / 07 / 2024, 17:40“Azad edilmiş ərazilərdə ekoturizmin təbiği üçün tanınmış influenserlər və bloggerlərlə əməkdaşlıq etmək lazımdır”12 / 07 / 2024, 17:33COP29 Beynəlxalq Məşvərət Şurasının ilk iclası keçirilib12 / 07 / 2024, 17:28Unibank ikinci rübün maliyyə nəticələrini açıqlayıb12 / 07 / 2024, 17:10Azərbaycanda ötən il İİV-ə yoluxanların sayı açıqlanıb12 / 07 / 2024, 17:02Növbəti üç günə bölgələrdəki küləkli hava şəraiti ilə bağlı sarı və narıncı xəbərdarlıq edilib12 / 07 / 2024, 16:51Deputat: COP29-un keçirilməsinin Azərbaycana etibar edilməsi çox mühüm hadisədir12 / 07 / 2024, 16:31Füzulidə Birinci Qarabağ müharibəsinin şəhidi Muğan Əliyev dəfn edilib - FOTO12 / 07 / 2024, 16:30Dolu düşəcək, leysan yağacaq - XƏBƏRDARLIQ12 / 07 / 2024, 16:09Bu gün Əməkdar incəsənət xadimi Ruhəngiz Qasımovanın doğum günüdür12 / 07 / 2024, 15:482024-cü ilin 6 ayında ağır cinayət törətmiş 119 kriminal qrup zərərsizləşdirilib12 / 07 / 2024, 15:44Antiinhisar və İstehlak Bazarına Nəzarət Dövlət Xidmətinin ADY ilə bağlı qərarı məhkəmə tərəfindən ləğv edildi12 / 07 / 2024, 15:33Bakı Şəhər DYP İdarəsindən yollarda məhdudiyyətlə bağlı sürücülərə MÜRACİƏT12 / 07 / 2024, 15:22Ədliyyə Nazirliyinin İnsan resursları idarəsinə rəis təyin edilib12 / 07 / 2024, 15:06KOBİA: Bu ilin I yarısında 32 sahibkar Almaniyada ixtisasartırma kursu keçib12 / 07 / 2024, 14:57Nazir Adil Kərimli ŞƏT-ə üzv ölkələrin mədəniyyət nazirlərinin görüşündə iştirak edib12 / 07 / 2024, 14:45Saatlıda Birinci Qarabağ müharibəsinin daha iki şəhidi dəfn edilib12 / 07 / 2024, 14:33Qubada Birinci Qarabağ müharibəsinin şəhidi İdris Baxışov dəfn edilib12 / 07 / 2024, 14:16
Bütün xəbərlər