“Qarabağ” bu gün Avropa Liqasında “Malmö” ilə qarşılaşacaq
Azərbaycanın UEFA Avropa Liqasındakı təmsilçisi “Qarabağ” bu gün Liqa mərhələsində ikinci oyununa çıxacaq.
1news.az xəbər verir ki, Qurban Qurbanovun başçılıq etdiyi kollektiv Bakıda İsveçin “Malmö” komandası ilə qarşılaşacaq.
Tofiq Bəhramov adına Respublika Stadionunda keçiriləcək görüş saat 20:45-də başlayacaq. Oyunu Yunanıstandan olan hakimlər briqadası idarə edəcək.
3 oktyabr
20:45.“Qarabağ” – “Malmö”
Baş hakim: Anastasios Papapetrou
Baş hakimin köməkçiləri: Trifon Petropoulos, Yordanis Aptosoqlu
Dördüncü hakim: Alexandros Tsakalidis
VAR: Angelos Evangelu
AVAR: Atanasios Tsilos
Tofiq Bəhramov adına Respublika Stadionu.
Qeyd edək ki, “Qarabağ” Liqa mərhələsinin ilk turunda İngiltərədə “Tottenhem”ə 0:3 hesabı ilə uduzub.
