ADY qarlı-şaxtalı hava şəraitində daşıdığı sərnişinlərin sayını açıqladı

ADY qarlı-şaxtalı hava şəraitində 60 minə yaxın sərnişini rahat və təhlükəsiz mənzil başına çatdırıb.

1news.az xəbər verir ki, bu barədə ADY-nin məlumatında bildirilir.

Qeyd olunub ki, 21, 22, 23 fevral tarixlərində, 43 600 sərnişin Abşeron dairəvi, 3604 sərnişin Bakı–Ağstafa–Bakı, 787 sərnişin Bakı–Balakən–Bakı, 729 sərnişin Bakı–Qəbələ–Bakı marşrutu üzrə səfər edib. Həmçinin 24 fevral səhər reysləri (Abşeron dairəvi, Balakən-Bakı, Bakı-Ağstafa-Bakı) üzrə isə 11 037 sərnişin səfər edib.