Cənubi Afrikada ölü tapılan qadınların sayı 11-ə çatdı

Cənubi Afrikanın Qautenq əyalətində iyul ayından bəri ölü tapılan qadınların sayı 11-ə yüksəlib.

1news.az xarici mediaya istinadən xəbər verir ki, polis hadisələr arasında əlaqənin olub-olmadığını araşdırır.

Sonuncu meyit Sprinqs bölgəsində, Roksana yolunun yaxınlığında aşkarlanıb. Polis qadının 20 yaşlarının əvvəllərində olduğunu və qısa müddət əvvəl öldürüldüyünü bildirib.

Sentyabrın 26-da Tembisada meyiti tapılan Ntombifuthi Nxumalonun qətli ilə bağlı bir şübhəli saxlanılıb. Sentyabrın 17-də Daun Parkda ölü tapılan Jabulile Ntimbanın ölümü ilə bağlı isə iki qadın tutulub.

Hadisələr ölkədə qadınlara qarşı zorakılıqla bağlı narahatlığı artırıb. Polis qətllərin bir-biri ilə əlaqəsini araşdırır.