Ali Baş Komandan – Milli Qəhramandır | 1news.az | Xəbərlər
Siyasət

Ali Baş Komandan – Milli Qəhramandır

18:18 - 21 / 10 / 2020
Ali Baş Komandan – Milli Qəhramandır

Azərbaycan xalqı 30 ildir səbrlə və böyük dövlətlərin təklifi, Birləşmiş Millətlər Təşkilatının Təhlükəsizlik Şurasının qərarı ilə ATƏT-in Minsk Qrupunun həmsədr dövlətlərindən Qarabağla bağlı sülh sazişini gözləyirdi.

1994-cü ildə Ulu Öndər Heydər Əliyev Azərbaycan-Ermənistan Dağlıq Qarabağ münaqişəsinin həlli istiqamətində atəşkəsə imza atmaqla dinc əhalinin günahsız ölümünun qarşısını aldı, habelə problemin həllinə dair ağ səhifədən danışıqlara başladı.

Bu danışıqlar Prezident İlham Əliyev tərəfindən davamlı və hədəfə doğru diplomatik uğurlarla yanaşı, Azərbaycanın hərbi-iqtisadi potensialının da yüksəlməsinə şərait yaratdı. Dəfələrlə aparılan gərgin müzakirələr, çəkilən çətin siyasi xəritələr, böyük dövlətlərin təkidi ilə qəbul etdirmək istədikləri qərarlar, beynəlxalq təşkilatlar tərəfindən verilmiş ardıcıl vədlərin fonunda nəhayət ki, 2020-ci ilin sentyabrın 27-də Ali Baş Komandanın işğal olunmuş ərazilərimizin azad olunması istiqamətində əks-hücum əməliyyatları ilə bağlı əmri Azərbaycanın suverenliyinin bərpasını zəruri etdi.

Azərbaycanın müzəffər Ordusunun Ali Baş Komandanın hərbi və taktiki əmrlərinə peşəkarcasına yanaşması, işğal altında olan torpaqlarımızın ardıcıl olaraq azad edilməsi Qarabağın bütün şəhər, rayon və qəsəbələrində müqəddəs Azərbaycan bayrağının dalğalanmasını təmin etdi.

Ali Baş Komandanın müharibə dövrünün qaydalarına uyğun olaraq ordu ilə yanaşı, xalqın iradəsinin və birliyinin ifadəçisi olaraq qələbəyə doğru inamla addımlaması yalnız və yalnız liderlərə məxsus xarakter sayılır ki, bu da bütün Azərbaycanlıların Möhtərəm Prezidentimizi mahir siyasətçi olması ilə yanaşı, həm də strateg-sərkərdə kimi də tanımasına səbəb olmuşdur.

Xüsusilə də bu sərkərdə iki cəbhədə - bir tərəfdən informasiya cəbhəsində düşmənə sardıcı zərbələr endirməkdədir, digər tərəfdən isə döyüş cəbhəsində hərbi, taktiki əmrlərin verilməsi, XXI əsrin yeni çağırışlarına uyğun olaraq müasir texnologiya tətbiq etməklə dünya tarixində görünməyən qələbənin əldə olunmasına rəhbərlik etməkdədir.

Böyük xoşbəxtlikdir ki, bu gün Azərbaycan tarixində ilk dəfə olaraq itirilmiş və işğal altında olan torpaqlarımızın qaytarılması missiyası məhz bizim nəslin üzərinə düşmüş və əldə olunan bu qələbələrə rəhbərlik isə Azərbaycan Respublikasının Prezidenti, Ali Baş Komandan İlham Əliyevin taleyinə yazılmışdır. Tarix boyu öz ölkəsinin azadlığı və qorunması uğrunda yüzlərlə, minlərlə cəsur Azərbaycan övladları şücaət göstərərək ən yüksək qəhramanlıq adlarına layiq görülüblər. Bu gün müasir dünyamızda bütün Azərbaycan xalqına bəxş olunan bu sevinc məhz qəhramanlıq səlnaməsinin bariz nümunəsidir və bu sevinci bəxş edən Milli Qəhraman isə – Ali Baş Komandan İlham Əliyevdir.

Məzahir Əfəndiyev

Azərbaycan Resublikası

Milli Məclisinin deputatı

Paylaş:
409

Son xəbərlər

Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10Türkiyədən ilhamlanmış “Beynəlxalq Sıfır Tullantı Günü” ilə tullantısız gələcək - FOTOBu gün, 12:58“Azneft”in rəhbərini işdən çıxardı - Yeni təyinatBu gün, 12:41Mərkəzi Bank: Azərbaycanda manata inam qorunub saxlanılıbBu gün, 12:38Sabah qərb küləyi əsəcək - ProqnozBu gün, 12:22“Azərbaycan” gəmi-bərəsi yenidən istismara qaytarılıb - FOTOBu gün, 12:15Meşə fondu torpaqlarında bayram günlərində 100 mindən artıq ağac əkilibBu gün, 12:12
Bütün xəbərlər