1news.az

AZƏRTAC Anadolu Agentliyi jurnalistlərinin Qahirədə həbs olunmasını qətiyyətlə pisləyir

16 Yanvar saat 13:55 ~ 1 dəqiqəlik oxu 708
AZƏRTAC Anadolu Agentliyi jurnalistlərinin Qahirədə həbs olunmasını qətiyyətlə pisləyir

AZƏRTAC Misir polisinin Anadolu Agentliyinin Qahirədəki ofisində axtarış aparmasını və jurnalistlərin həbs olunmasını qəti şəkildə pisləyir.

Biz Azərbaycana dost, qardaş ölkə olan Türkiyənin Anadolu Agentliyi ilə həmrəylik nümayiş etdirir, daim türkiyəli həmkarlarımızın yanında olduğumuzu bəyan edirik. Hesab edirik ki, Misir polisi demokratik prinsiplərə zidd olan bu hərəkəti ilə həm insan hüquqlarını, həm də söz və mətbuat azadlığını kobud şəkildə pozub.

Xəbər verildiyi kimi, yanvarın 14-də axşam saatlarında Misir polisi Anadolu Agentliyinin Qahirədəki ofisində axtarış aparıb və agentliyin dörd əməkdaşını həbs edib. Agentliyin əməkdaşları naməlum istiqamətə aparılıb. Polis ofisdə təhlükəsizlik kameralarını söndürüb və internet bağlantısını kəsib, əməkdaşların pasportlarını, mobil telefonlarını və kompüterlərini müsadirə edib. Anadolu Agentliyinin vəkilləri tərəfindən göndərilən sorğuya baxmayaraq, axtarışın səbəbi açıqlanmayıb.

Türkiyəli həmkarları ilə həmrəylik nümayiş etdirən AZƏRTAC Misir polisinin Anadolu Agentliyinin jurnalistlərinə qarşı bu hərəkətini yolverilməz hesab edir və həbs olunan əməkdaşların dərhal azadlığa buraxılmasını tələb edir.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net