Konqoda Eboladan ölənlərin sayı 1 033 nəfərə çatıb

Konqo Demokratik Respublikasının beş əyalətində Ebola virusuna yoluxanların sayı 2 536 nəfərə yüksəlib.

1news.az xəbər verir ki, bu barədə Konqo Demokratik Respublikasının Rabitə və Mətbuat Nazirliyi məlumat yayıb.

Bildirilib ki, hazırda 738 nəfər təcrid olunub və ya xəstəxanada müalicə alır. İndiyədək 506 nəfər sağalaraq evə buraxılıb, 1 033 nəfər isə həyatını itirib.