1news.az

Elxan Məmmədov: Ermənistan Futbol Federasiyasının 13 yaşlı futbolçumuzun öldürülməsi ilə bağlı açıqlamaları absurddur

30 Sentyabr saat 00:03 ~ 1 dəqiqəlik oxu 27560
Elxan Məmmədov: Ermənistan Futbol Federasiyasının 13 yaşlı futbolçumuzun öldürülməsi ilə bağlı açıqlamaları absurddur

Sentyabrın 28-də AFFA 13 yaşlı futbolçu Şəhriyar Qurbanovun erməni təcavüzkarları tərəfindən Azərbaycanın mülki əhalisinə və infrastrukturuna yönəlmiş hücumları nəticəsində ölümündən bəhs edən müvafiq məktubları FIFA və UEFA-ya göndərib.

Buna cavab olaraq, Ermənistan Futbol Federasiyası Azərbaycan tərəfini yalan məlumat yaymaqda günahlandıraraq AFFA-ya qarşı UEFA və FIFA-ya şikayət etmək niyyətində olduqları barədə absurd açıqlama verib

1news.az-ın AFFA-nın İcraçı vitse-prezidenti Elxan Məmmədovla bu məlumat kontekstində çox maraqlı söhbəti oldu:

“Sentyabrın 27-də mülki əhaliyə hücum nəticəsində 13 yaşlı Şəhriyar Qurbanovun öldürüldüyü barədə faciəvi xəbər aldıq. AFFA-nın məlumat bazasında araşdıqdıqda o, Naftalan klubunda müxtəlif yaşlı liqalarda oynadığına əmin olduq. Təəssüf ki, həyatı yeni başlayan gənci itirdik.

Futbol ailəsinin bir üzvünü itirdik. Buna görə, FIFA və UEFA-ya məlumat verdik, çünki Azərbaycanın futbol ailəsinin üzvü Avropada və dünyada futbol ailəsinin üzvüdür. Həmçinin hamını şoka salan bu acınacaqlı itki barədə FIFA və UEFA-ya məlumat vermək bizim vəzifəmizdi. Bu, bir daha bütün dünyaya sübut edir ki, təcavüzkar bizim ərazimizdədir və mülki insanlara hücum edir.

Ermənistan Futbol Federasiyasının açıqlamaları absurddur. Azərbaycanın futbol funksionerlərinin açıqlamaları ilə bağlı şikayətlərinə gəldikdə, ölkənin hər bir vətəndaşı bayrağımızın işğal altında olan Dağlıq Qarabağda və onun ətrafındakı yeddi rayonda yüksələcəyi anı səbirsizliklə gözləyir”.

Tərcümə: S.Xankişiyeva

OXUCULARIN SEÇİMİ
REDAKSİYANIN SEÇİMİ
İdman BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net