1news.az

Ermənistanda hərbi xidmətdən yayınmaq üçün rüşvət halları kəskin artıb

9 Avqust saat 13:45 ~ 1 dəqiqəlik oxu 221
Ermənistanda hərbi xidmətdən yayınmaq üçün rüşvət halları kəskin artıb

Ermənistanda hərbi xidmətdən yayınmaq üçün rüşvət halları kəskin artıb. 

1news.az erməni mətbuatına istinadla xəbər verir ki, bu məlumatı avqustun 9-da ölkənin Milli Təhlükəsizlik Xidməti yayıb.

Qeyd olunur ki, orduya çağırış üzrə tibbi komissiyanın üzvlərinin və hərbi komissarlıqların zabitlərinin çağırış yaşına çatmış şəxslərdən yüksək məbləğdə rüşvət alaraq sağlamlıq vərəqələrini saxtalaşdırdıqları müəyyən edilib. Onlar bu yolla həmin şəxslərin hərbi xidmətə çağırış müddətini təxirə salıblar.

Ermənistan Milli Təhlükəsizlik Xidmətinin əməkdaşları çoxlu sayda bu cür faktlar aşkar ediblər və hərbi komissarlıqların bir neçə zabiti həbs olunub. İri məbləğdə rüşvət almaqda təqsirləndirilən zabitlərdən biri hərbi komissarlığın digər iki keçmiş əməkdaşı ilə cinayət əlaqəsinə girərək hərbi komissiyanın üzvlərini də bu əmələ cəlb edib. Cinayətkar dəstə 9 çağırışçı və 4 hərbi mükəlləfiyyətli şəxsin sənədlərini saxtalaşdırıb və onlara hərbi xidmətdən möhlət əldə etməyə kömək ediblər. Həmin şəxslərdən bunun müqabilində 2 mindən 15 min dollaradək rüşvət alınıb.

Bildirilir ki, bütün bu faktlar üzrə Ermənistan İstintaq Komitəsi tərəfindən cinayət işi qaldırılıb və cinayətkar qrupun üzvlərinə qarşı ittiham irəli sürülüb. Onların hamısı həbs edilib.

1news.az

OXUCULARIN SEÇİMİ
REDAKSİYANIN SEÇİMİ
Ermənistan BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net