1news.az

Giorgi Qaxariya: Azərbaycan və Gürcüstan çox etibarlı, güclü iqtisadi tərəfdaşlardır

10 Oktyabr saat 13:32 ~ 1 dəqiqəlik oxu 111
Giorgi Qaxariya: Azərbaycan və Gürcüstan çox etibarlı, güclü iqtisadi tərəfdaşlardır

Gürcüstanın Baş Naziri kimi Azərbaycana ilk səfərim heç də təsadüfi deyildi. Azərbaycan ilə Gürcüstan arasındakı münasibətlər ikitərəfli və regional əməkdaşlıq çərçivəsindən çıxaraq çox vacib əhəmiyyətli beynəlxalq əməkdaşlıq statusu alıb.

1news.az-ın AZƏRTAC-a istinadən verdiyi xəbərə görə, bu sözləri Gürcüstanın Baş Naziri Giorgi Qaxariya hökumətin bugünkü iclasında Azərbaycana səfərini şərh edərkən söyləyib.

Hökumət başçısı deyib ki, bu əməkdaşlıq məhsuldardır və ölkələrimizin maraqlarına xidmət edir. Bu gün regionda baş verən hadisələr ölkələrimizin sabitliyinin və təhlükəsizliyinin təmin edilməsi üçün bizi daha səmərəli əməkdaşlığa sövq edir.

Giorgi Qaxariya vurğulayıb ki, Azərbaycan ilə Gürcüstan çox etibarlı, güclü iqtisadi tərəfdaşlardır. İki ölkə arasında enerji, nəqliyyat sahələrində əməkdaşlıq beynəlxalq əhəmiyyətə malikdir.

1news.az

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net