İstanbulda təyyarə qəzası: 3 nəfər ölüb – FOTO – VİDEO

İstanbulda sərnişin təyyarəsinin qəzaya uğraması nəticəsində 3 nəfər həlak olub.

1news.az-ın verdiyi xəbərə görə, bu barədə Türkiyənin səhiyyə nаziri Fəxrəddin Qoca bildirib.

“Boeing 738” laynerinin Sabiha Gökçen hava limanına enərkən zolaqdan çıxması nəticəsində xəsarət alanların sayı 179 nəfərə çatıb”.

Qəza səbəbindən Sabiha Gökçen hava limanı bağlanıb, bütün uçuşlar İstanbul hava limanına yönləndirilib.

Xatırladaq ki, hadisə dünən baş verib. İzmir-İstanbul aviareysini həyata keçirən təyyarə sürüşərək dərəyə aşıb və üç hissəyə parçalanıb. Bundan sonra laynerdə yanğın başlayıb, yanğınsöndürənlər alovu söndürməyə nail olublar. Sərnişinlər təyyarədən təxliyə edilib.

İstanbulda baş verən təyyarə qəzası “Buta Airways”in işinə təsir etdi – FOTO – VİDEO

S.Xankişiyeva