1news.az

“Macəra Yaxındadır” kampaniyasına maraq artmaqdadır - FOTO

25 Sentyabr saat 11:01 ~ 1 dəqiqəlik oxu 3030
“Macəra Yaxındadır” kampaniyasına maraq artmaqdadır - FOTO

Dövlət Turizm Agentliyi və Azərbaycan Turizm Bürosunun birgə təşəbbüsü və təşkilatçılığı ilə ölkədaxili turizmi inkişaf etdirmək, regionların turizm potensialını tanıtmaq məqsədilə “Macəra Yaxındadır” adlı təbliğat kampaniyasına vətəndaşlar tərəfindən böyük maraq göstərilir.

Kampaniya dövlət səviyyəsində daxili turizmi təbliğ etmək, inkişafını və fəallaşmasını təmin etməklə, eləcə də yerli əhalini ölkənin turizm imkanlarından yararlanmağa təşviq etməklə turizm sənayesinə dəstək verməyə yönəlib.  

Kampaniya çərçivəsində turizm şirkətlərinin və hotellərin irəli sürdüyü xüsusi endirimli turizm xidmətləri və ya turizm paketlərindən ibarət təkliflər vahid platformada - www.macerayaxindadir.az saytında yerləşdirilir.

“Bir çox maraqlı turizm təklifini bir yerdə toplayan “Macəra Yaxındadır” kampaniyasının məqsədi Azərbaycanda yaşayan insanların öz ölkələrinin bənzərsiz səyahət imkanlarından yararlanması, turizm sənayesinin isə bundan bəhrələnməsi üçün dəstək verməkdən ibarətdir”, – deyə Azərbaycan Turizm Bürosunun Baş icraçı direktoru Florian Zenqstşmid bildirib.

Qeyd edək ki, kampaniyanın veb-səhifəsində qeyd olunan anket formasını doldurmuş və Azərbaycan Turizm Bürosu ilə müəyyən müddəalar və şərtlər əsasında müqavilə bağlamış yerli şirkətlər və hotellər kampaniyanın tərəfdaşı kimi öz təkliflərini veb səhifədə yerləşdirə bilərlər.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net