“Mülki əhalinin atəşə tutulması” - “Çıxışa doğru”da müzakirə – FOTO – VİDEO
Bu gün Ermənistanın terrorçu və antiinsani mahiyyəti işğalçı ölkənin yalnız Azərbaycan üçün deyil, bölgədəki hər bir dövlət üçün təhdid və təhlükə mənbəyi olmasından xəbər verir.
Ona görə də region dövlətləri tərəfindən də bu, aydın dərk edilməlidir. Onlar anlamalıdırlar ki, qonşu dövlətlərə qarşı davamlı şəkildə ərazi iddiaları irəli sürən, ərazisində terror təşkilatları yerləşdirən Ermənistan bölgə üçün də böyük təhlükədir. Region dövlətləri də Azərbaycanın haqq işini tam dəstəkləməli, terrorçu Ermənistana təzyiq göstərməklə onun neytrallaşdırılmasına nail olmalıdırlar. Regionda sülhü və təhlükəsizliyi təmin etməyin yeganə yolu, məhz budur.
1news.az-ın verdiyi xəbərə görə, AzTV-nin “Çıxışa doğru” verilişində “Mülki əhalinin atəşə tutulması” mövzusunda aparılan müzakirələr zamanı bu barədə ətraflı danışılıb. Verilişin qonaqları Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə, şəhid, Azərbaycanın Milli Qəhrəmanı Seymur Məmmədovun anası Xurşud Babayeva, Qubadlının işğaldan azad olunması uğrunda gedən döyüşlərdə şəhid olan, Milli Qəhrəman Şükür Həmidovun atası Nəriman Həmidov, əməkdar mədəniyyət işçisi, şair-publisist Qəşəm Nəcəfzadə və telejurnalist Günay Arda mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva
