1news.az

Premyer Liqa klublarından yalnız 3-ü mənfəət əldə etdi - Toğrul Vəliyev

29 İyun saat 17:34 ~ 2 dəqiqəlik oxu 7320
Premyer Liqa klublarından yalnız 3-ü mənfəət əldə etdi - Toğrul Vəliyev

Məlum olduğu kimi, 18 iyunda AFFA-nın növbəti iclası keçirildi. Bütün faktorlar və tövsiyələr nəzərə alınaraq, 2019/2020-ci il mövsümü üçün Azərbaycan Premyer Liqası və ölkə kuboku uğrunda yarışların dayandırılması qərarı verilib. Mövsümün qalibi və UEFA-nın klub yarışlarında iştirak edəcək komandalar hazırkı turnir cədvəlinə uyğun olaraq müəyyənləşdirilib (UEFA Çempionlar Liqası: “Qarabağ” FK; UEFA Avropa Liqası: “Neftçi” PFK, “Keşlə” FK, “Sumqayıt” FK). Bununla da Azərbaycanda 2019/2020-ci futbol mövsümü bitdi.

İqtisadçı ekspert Toğrul Vəliyev (Maşallı) şəxsi Telegram səhifəsində klubların maliyyə durumunun analizini aparıb. Keçən ildən bəri futbol klublarının da maliyyə hesabatlarını yerləşdirməyə başlayıdıqlarını deyən ekspertin sözlərinə görə, ilk dəfə bu 2019-cu ilin mayında baş verib:

“Bu il nəsə məsələ uzandı, amma iyun ayında premyer-liqada iştirak edən bütün 8 klub maliyyə hesabatlarını yerləşdirdilər. Məlum oldu ki, 2018-ci ildən fərqli olaraq, 2019-cu ildə bir çox klublarda problemlər müşahidə olunurdu. Əgər rəsmi hesabatlara görə 2018-ci ildə 5 klub mənfəət əldə etmişdisə, 2019-cu ilin nəticələrinə görə yalnız 3 klub mənfəət əldə etdi: “Neftçi” (keçən ilə nəsbətdə mənfəəti 1/3-ə azaldı), “Zirə” (sabit olaraq mənfəət əldə edir) və “Sabah” (100 min zərərə qarşı indi 397 min mənfəət əldə edib).

Digər klublara gəldikdə, qeyd edə bilərik ki, “Keşlə” nəyəsə görə 2018-ci ilin bütün göstəricilərinə yenidən baxıb və bir çox hallarda müvafiq göstəricilərini azaldıb. “Qəbələ” keçən ilki kimi, bu dəfə də aktiv və öhdəliklər barədə məlumat verməyib (keçən dəfə ən azı ümumiləşdirilmiş şəkildə idi, bu dəfə heç məlumat verməyib). “Qarabağ” isə 2019-cu ildə sponsora müraciət etməli olub. Əgər 2018-ci ildə sponsordan 1,9 milyon manat götürmüşdüsə (sonradan hesabatda bunu 0 kimi göstərdi), 2019-cu ildə müvafiq məbləğ 8 milyon manat təşkil edib. Eyni zamanda, əgər 1 il əvvəl 764 min manat mənfəət əldə etmişdisə, 2019-cu ildə artıq 1 milyon manat zərər ilə bitirib”.

1news.az

 

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net