Pronet MMC “British School in Baku”-da təhsil prosesini avtomatlaşdırır – VİDEO
Böyük Britaniyanın ən nüfuzlu təhsil ocaqlarından Britaniya Beynəlxalq Məktəbinin Azərbaycandakı mərkəzi olan “British School in Baku” 2007-ci ildən fəaliyyət göstərir.
Hal-hazırda müxtəlif milliyyət və mədəniyyətdən olan bir çox şagirdə məktəb ciddi akademik proqram tədris edir.
Tədris keyfiyyətinin yaxşılaşdırılması və şagird-valideyin-müəllim əlaqələrinin daha da şəffaf və loyal şəkildə təmin edilməsi üçün məktəb, növbəti ildən etibarən “Tam Avtomatlaşmış Təhsil Modelinə” keçid edəcək.
Bunun üçün sözügedən məktəblə, ölkənin ən nüfuzlu ERP Proqram təminatçısı şirkəti olan Pronet MMC arasında əməkdaşlıqla bağlı müqavilə imzalanıb.
Təxminən 2 aya yaxın bir müddət ərzində aparılan danışıqlar zamanı, Pronet MMC-nin təklif etdiyi “ProSCHOOL” - Məktəb və Təhsil Müəssisələrinin İdarəolunması sistemindən əlavə olaraq bəzi Avropa ölkələrinin təklif etdiyi sistemlər də məktəbin mütəxəssisləri tərəfindən dəyərləndirilib. Danışıqlar prosesinin son mərhələsində yekdilli qərar olaraq “Made in Azerbaijan” brendi adı altında fəaliyyət göstərən Pronet şirkətinin təklif etdiyi sistem daha yüksək səviyyədə qiymətləndirilib.
Belə ki, 2019-2020-ci tədris ilindən etibarən istifadəsinə başlanılacaq proqram təminatı sayəsində artıq məktəbdə elektron jurnal, elektron gündəlik, elektron dərs cədvəli, avtomatlaşdırılmış zəng və kütləvi xəbərdarlıq sistemi, avtomatlaşdırılmış nəzarət və qeydiyyat sistemi, mərkəzləşdirilmiş video-müşahidə və təhlükəsizlik sistemi, avtomatlaşdırılmış mərkəzi saat sistemi, mərkəzləşdirilmış telefoniya sistemi, elektron kitabxana, online ödəniş, imtahanların keçirilməsi və kütləvi SMS sistemi kimi önəmli yeniliklərdən istifadə olunacaq.
Hər iki qurumdan verilən açıqlamaya görə bu sistemin tətbiqi ümumi olaraq Azərbaycan təhsil sisteminə daha da fayda vermək və belə bir böyük xarici məktəbin yerli mühitdə önəmli söz sahibinə malik olmasına gətirirb çıxaracaq.
“ProSCHOOL” - Məktəb və Təhsil Müəssisələrinin İdarəolunması sisteminin layihə rəhbəri Zaur İsayev bildirir ki, proqram təminatı 2012-ci ildən bəri artıq 7 ildir ki, “Bakı Müasir Məktəbi” (Baku Modern School) tərəfindən istifadə olunur. Bundan əlavə olaraq paytaxtda yerləşən 2 saylı Tibb Kolleci və Sumqayıt şəhərində fəaliyyət göstərən Sumqayıt Tibb Kollecini də nümunə çəkə bilərik. Bu müəssisələrdə hal-hazırda sistemin "İmtahan və attestasiya proseslərinin avtomatlaşdırılması" modulu istifadə olunur.
Qeyd edək ki, Pronet MMC şirkəti 2003-cü ildən bəri Azərbaycan İT bazarında fəaliyyət göstərir. Şirkətin "Prospect" adlanan zəngin kataloqa malik ERP həllərinə "Çağrı Mərkəzi", "Elektron Sənəd Dövriyyəsi", "İnsan Resurslarının İdarəolunması", "Müştəri Münasibətlərinin Nizamlanması", "Tapşırıq və Layihələrin İdarəolunması" "İmtahan və Attestasiya Proseslərinin Avtomatlaşdırılması" və s. kimi sistemlər aiddir.
Səhiyyə Nazirliyi, Mədəniyyət Nazirliyi, ANAMA, "Azərkosmos", "Abşeron Logistika Mərkəzi" Naxçıvan MR Dövlət Qulluğu idarəsi, "Veysəloğlu" Holdinq, "OMG" İnternational, "Paşa" Holdinq, AzərTürkBank, Rabitəbank, Unibank, KontaktHome, "Hilton" Otel və digər nüfuzlu qurumların da daxil olduğu, ümumilikdə ölkədə ki, bir çox dövlət və özəl müəssisələrin, iri holdinq və şirkətlərin on minlərlə əməkdaşını istifadəsini əhatə edən bu sistemlər öz etibarlılığı və funksionallığı ilə tanınır.
Reklam hüququnda
