1news.az

Vaşinqtonda 20 Yanvar və Azərbaycan müstəqilliyi tədbiri keçirilib – FOTO

16 Yanvar saat 09:55 ~ 3 dəqiqəlik oxu 748
Vaşinqtonda 20 Yanvar və Azərbaycan müstəqilliyi tədbiri keçirilib – FOTO

ABŞ-ın paytaxtının mötəbər və tarixi məkanlarından biri olan Qadınların Milli Demokratik Klubunda “Bakıda 20 Yanvar faciəsi və Azərbaycan müstəqilliyinin 3 dekadası” mövzusunda tədbir təşkil olundu.

1news.az-a Səfirlikdən verilən xəbərə görə, ABŞ dövlət qurumları, ABŞ-da akkreditə olunmuş səfirlər, hərbi attaşelər və diplomatlar, yerli ictimaiyyət və Azərbaycan icmasının nümayəndələrinin iştirak etdiyi tədbirdə yüz nəfərdən çox insan iştirak edirdi.

İki hissədən ibarət olan tədbirin başlanğıcında Azərbaycanın ABŞ-dakı Səfirliyinin nümayəndəsi və ABŞ akademik dairələrində regionumuz üzrə ən tanınmış tarixçi, çoxsaylı əsərlərin müəllifi tanınmış alim Dr. Frederik Star çıxış etdi.

Tədbirdə çıxış edən ölkəmizin ABŞ-dakı Səfirliiyinin müşaviri Vüqar Qurbanov 20 Yanvar faciəsinin xalqımıza qarşı cinayət olduğunu xatırlatdı, müxtəlif din və xalqların nümayəndələrinin olduğu çoxsaylı günahsız dinc insanların qətlə yetirildiyi və əhaliyə qarşı törədilmiş bu amansız cinayətin nəinki Azərbaycan xalqını qorxutmadığını, hətta müstəqliik iradəsini daha da möhkəmləndirdiyini və milli müstəqliyini bərpa etmək əzmini dönməz etdiyini və tezliklə buna nail olduğunu vurğuladı. Faciədən dərhal sonra Azərbaycan övladlarının qorxmadan mübarizələrini davam etdirdiyini və bunun bariz nümunəsinin Ümummilli lider Heydər Əliyevin 21 yanvar tarixində  Moskvada keçirdiyi mətbuat konfransını xatırlatdı. Ümummilli liderin həmin zaman bu faciənin təfərrüatlarını ictimaiyyətə bildirməsi və bunu törədənlərin cəzalandırılmasını tələb etməsini xalqımızın haqq işində mübarizəsini davam etdirməyə çağırış kimi dəyərləndirdi. Hazırda 20 Yanvar faciəsi şəhidlərinin milli müstəqilliyimizin simvollarından biri olması, Şəhidlər Xiyabanında uyuyan müxtəlif din və xalqların nümayəndələrinin olması Azərbaycan xalqının birliyinin rəmzi olması ilə yanaşı həm də hər bir Azərbaycanlıya dövlətçiliyimiz və müstəqilliyimiz naminə birləşərək həmrəylik yaddaşı da olduğu xatırlandı. Bu gün də Azərbaycan Prezidenti cənab İlham Əliyevin siyasətinin əsas məğzinin dövlətçiliyimiz və müstəqilliyimizin qorunması və gücləndirilməsi olduğu bildirildi.

Daha sonra çıxış edən Dr. Frederik Star Azərbaycan xalqına qarşı törədilmiş cinayətin tarixi kontekstini izah etdi, 20 Yanvar faciəsi ilə yanaşı Azərbaycana qarşı törədilmiş digər bir çox təxribatlar barədə də söz açdı. O, 20 Yanvar faciəsindən sonra Sovet hakimiyyətinin mənəvi əsasını və legitimliyini itirdiyini bildirdi. Bu inkişafların da nəinki Sovet hakimiyyətinin sonunu gətirdiyini, eyni zamanda Azərbaycanda və regionda yeni başlanğıcın təməlini qoyduğunu vurğuladı.  Dr. Star qeyd etdi ki, Azərbaycan xalqının 20 Yanvar faciəsindən sonra müstəqillik əzminin daha da güclənməsi digər xalqların da müstəqillik yolunu rəvanlaşdırmışdır.

Tədbirin növbəti hissəsində tanınmış pianoçu Dr.Nərgiz Əliyarova və istedadlı skripkaçı Azər Dəmirov 20 Yanvar şəhidlərinin əziz xatirəsinə həsr olunmuş anım konserti ilə çıxış etdilər və bu çərçivədə Azərbaycan və dünya klassiklərinin musiqilərini ifa etdilər. Konsert “Yaşa Azərbaycan” musiqisi ilə yekunlaşdı.

Tədbirin rəsmi hissəsi bitdikdən sonra qonaqlar şəhidlərimizin əziz xatirəsinə verilmiş ehsan süfrəsinə dəvət edilmişdir.

S.Xankişiyeva

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net