1news.az

Yeni nəsil elektron kitab təqdim olunub

25 İyun saat 17:41 ~ 1 dəqiqəlik oxu 114
Yeni nəsil elektron kitab təqdim olunub

"Amazon" şirkəti "Kindle Oasis" elektron kitabının onuncu nəslini təqdim edib. Modelin dizaynı dəyişməz qalsa da, ekranda böyük dəyişikliklər edilib.

1news.az ICTnews-a istinadən bildirir ki, yeni qurğunun işıqlandırmasında 12 yox, 25 işıq diodundan istifadə olunub, eləcə də onların işıqsaçmasının temperaturunu tənzimləmək üçün imkan yaradılıb - istifadəçilər işıqlandırmada göy rəngin payını müstəqil azaldaraq işığın temperaturunu aşağı sala biləcəklər. Bundan əlavə, rəngin temperaturunun cədvəl üzrə tənzimlənilməsi nəticəsində gözlər az gəriləcək.

Həmçinin qurğu səhifələri sürətlə vərəqləməyə imkan verən ən yeni elektron mürəkkəb texnologiyası ilə təchiz edilib və çəkisi 6 qram azaldılmaqla doqquzuncu nəsil modeldən yüngül olub.

Digər xüsusiyyətlər isə dəyişməz qalıb: "Kindle Oasis" elektron kitabı 1680 х 1264 piksel təsvir ölçülü 7 düym diaqonallı ekran, 8 və ya 32 giqabaytlıq quraşdırılmış yaddaş, "Micro-USB" portu və model versiyasına görə "LTE" modemi ilə təchiz edilib. Suyadavamlılıq "IPX8" standartı üzrə təmin olunur.

Tədarükünə iyulun 24-dən etibarən başlanılacaq onuncu nəsil "Kindle Oasis" elektron kitabının qiyməti texniki xüsusiyyətlərinə görə dəyişir (Wi-Fi və 8 giqabaytlıq yaddaşla təchiz edilən versiya 250 dollar, LTE və 32 giqabaytlıq yaddaşa malik variant 370 dollar).

1news.az

OXUCULARIN SEÇİMİ
REDAKSİYANIN SEÇİMİ
İqtisadiyyat BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net