ru

Cəmiyyət

30 Oktyabr saat 14:35

Ermənilərin qətlə yetirdiyi və yaraladığı mülki şəxslərin sayı açıqlanıb

Ermənilərin qətlə yetirdiyi və yaraladığı mülki şəxslərin sayı açıqlanıb

Ermənistan silahlı qüvvələrinin təxribatı nəticəsində Azərbaycanın ölən və yaralanan mülki vətəndaşlarının sayı açıqlanıb.

1news.az-ın məlumatına görə, Baş Prokurorluğun məlumatında bildirilir ki, sentyabrın 27-dən hazırkı vaxtadək Ermənistan ordusunun yaşayış məntəqələrini atəşə tutması nəticəsində 91 mülki şəxs həlak olub, 400 nəfər yaralanıb.

Məlumata görə, Ermənistan ordusunun tərəfindən qətlə yetirilən şəxslərdən biri körpə, 10-u uşaq, 27-si qadın, 53-ü kişidir. Həlak olanlardan 15-i ahıl şəxslərdir.

Sentyabrın 27-dən bu günə qədər Ermənistan Silahlı Qüvvələrinin təcavüzü nəticəsində 7 ailə tamamilə məhv olub, 4 uşaq hər iki valideynini itirib.

Xəsarət alan 400 nəfərdən 14-ü körpə, 36-sı uşaq, 101-i qadın, 249 kişidir. Onlardan 45-i ahıl şəxslərdir.

Bundan başqa, 428 mülki obyekt, 92 çoxmənzilli yaşayış binası və 2 442 yaşayış evi yararsız vəziyyətə düşüb.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News", İnformasiya Agentliyi
Bütün hüquqlar qorunur