Azərbaycan boksçusu Bolqarıstanda keçirilən turnirin qalibi oldu

Bolqarıstanın paytaxtı Sofiyada qadın boksçular arasında "Balkan Cup" turniri keçirilib.

Sportbox.az-ın məlumatına görə, yarışda İngiltərə, Fransa, İtaliya, Ukrayna, Bolqarıstan, Vyetnam, Kanada, Avstraliya, Yaponiya, Mərakeş, Əlcəzair kimi ölkələrlə yanaşı ölkəmizin dəri əlcək sahibləri də mübarizə aparıblar.

London Olimpiadasının iştirakçısı Yelena Vıstropova 69 kq çəki dərəcəsində fəxri kürsünün ən yüksək pilləsinə qalxıb.

yarımfinalda Kanada təmsilçisini məğlub edən boksçumuz finalda ispaniyalı Mirriam Qutyerrez Parraya qalib gələrək turnirin qalibi adını qazanıb.

Sportbox.az