KİV nümayəndələri arasında keçirilən yazı müsabiqəsinə məqalə qəbulu sona çatıb
Bakı Şəhər Mədəniyyət və Turizm İdarəsinin təşkilatçılığı ilə Azərbaycan milli mətbuatının 140 illiyi ilə əlaqədar kütləvi informasiya vasitələrinin təmsilçiləri arasında keçirilən “Milli mədəniyyətimizin təməli” adlı yazı müsabiqəsinə məqalə qəbulu sona çatıb.
1news.az AZƏRTAC-a istinadən xəbər verir ki, artıq müsabiqəyə qəbul olunmuş məqalələr seçim üçün münsiflər heyətinə təqdim edilib.
Peşəkar münsiflər heyəti tərəfindən seçilən müsabiqə qaliblərinin ən yaxşı məqalələri “Tarixi abidələr”, “Folklor və milli adət-ənənələr” və “Görkəmli və tarixi şəxsiyyətlər” nominasiyalar üzrə mükafatlandırılacaq. Müsabiqə qaliblərinin təqdimat mərasimi dekabr ayının sonunda baş tutacaq.
Qeyd edək ki, müsabiqənin keçirilməsində məqsəd xalqımızın yüzilliklər boyu yaratmış olduğu yüksək milli mənəvi dəyərlər, Bakıətrafı qəsəbələrin milli adət-ənənələri, folkloru, görkəmli və tarixi şəxsiyyətlərin həyat və yaradıcılığı, tarixi abidələrin araşdırılması və təbliği, mədəni dəyərlərin qorunaraq gələcək nəsillərə çatdırılması və müvafiq sahədə istedadlı şəxsləri əməkdaşlığa cəlb edərək onların yaradıcılıqlarına dəstək verilməsidir.
