"Azəri-Çıraq-Günəşli" üzrə xərclərin həcmi açıqlanıb
"BP-Azerbaijan" şirkəti 2015-ci ilin üç rübü ərzində "Azəri-Çıraq-Günəşli" (AÇG) layihəsinə çəkilən xərcin həcmini açıqlayıb.
1news.az xəbər verir ki, "BP-Azerbaijan"dan "APA-Ecnomics"ə verilən məlumata görə, hesabat dövründə layihəyə təqribən 570 mln. dollar əməliyyat məsrəfləri və 1,5 mlrd. dollar əsaslı məsrəflər xərclənib.
Qeyd edək ki, BP layihənin operatorudur.
AÇG-də iştirak payları: BP (35,8%), SOCAR (11,6%), "Chevron" (11,3%), "İnpex" (11%), "Statoil" (8,6%), "Exxon Mobile" (8%), TPAO (6,8%), İTOÇU (4,3%), "ONGC Videsh Limited" (OVL) (2,7%).
706
