Maurisio Pokettino: «Qarabağ»la oyun bizim üçün çox vacibdir
“Qarabağ”la oyunda bütün gücümüzü ortaya qoyacağıq. Bu oyun bizim üçün çox vacibdir.
1news.az-ın Sportbox.az-a istinadən verdiyi xəbərə görə, bunu Avropa Liqasının qrup mərhələsinin V turu çərçivəsində “Qarabağ”ın qonağı olacaq İngiltərənin “Tottenhem” klubunun baş məşqçisi Maurisio Pokettino deyib:
“Qarabağ” çox yaxşı komandadır. Ona qarşı oynamaq asan deyil. Futbolçuları topla yaxşı davranır, təhlükəli əks-hücumlar qururlar. “Anderlext”dən heç də zəif komanda deyil”.
Baş məşqçi komandanın bəzi futbolçularını Bakıya gətirməmələrinin səbəbinə də aydınlıq gətirib:
“Premyer Liqa da bizim üçün çox vacibdir. Geri qayıtdıqdan sonra bizi “Çelsi” ilə çətin oyun gözləyir. Ona görə də bəzi futbolçulara istirahət verməyi qərara aldıq”.
1news.az
