Nikita Mixalkovun “Svoy sredi svoix” proqramı ilə yaradıcılıq gecəsi keçiriləcək

Dekabrın 4-də Heydər Əliyev Sarayında Rusiya Kinematoqrafçılar İttifaqının sədri və Rusiya Mədəniyyət Fondunun prezidenti, görkəmli kinorejissor, aktyor, ssenarist, Rusiyanın Xalq Artisti Nikita Mixalkovun yaradıcılıq gecəsi keçiriləcək.

1news.az-a sarayın mətbuat xidmətindən bildirilib ki, Nikita Mixalkov “Svoy sredi svoix” proqramı ilə öz tamaşaçılarının görüşünə gələcək.

Kann, Venesiya kimi dünyanın nüfuzlu kino festivallarının qalibi, “Oskar” mükafatı laureatı Nikita Mixalkov bir çox filmlərin rejissoru, ssenaristi, baş prodüseri və bədii rəhbəridir.

Gecənin biletləri 20-60 manat arasında satışa çıxarılıb. Biletləri şəhərin kassalarından əldə etmək olar.

1news.az