Pakistanda qatar qəzası 13 nəfərin həyatına son qoydu

Pakistanın cənub-qərbindəki Belucistan əyalətində sərnişin qatarı qəzaya uğrayıb.

1news.az-ın AzərTAc-a istinadən verdiyi xəbərə görə, qəza nəticəsində 13 nəfər həlak olub.

Pakistan hökumətinin sözçüsü Han Vasey əyalətin mərkəzi Kuettada keçirdiyi mətbuat konfransında Kuettadan Ravalpindi şəhərinə gedən “Jaffer Expres” qatarının Abequm bölgəsində aşması nəticəsində 13 nəfərin öldüyünü, 150-sinin yaralandığını deyib.

Yaralananlardan 25-nin vəziyyətinin ağır olduğunu deyən H.Vasey qəzaya qatarın əyləc sistemində yaranmış problemin səbəb olduğunu bildirib.

Qəzadan sonra aşan vaqonların qaldırılması istiqamətində işlər davam etdirilir.

1news.az