Bakı-Qazax magistralında dəhşətli qəza: ölənlər var
Bakı-Qazax magistralının Ağdaşdan keçən hissəsində dəhşətli yol qəzası baş verib.
1news.az-ın məlumatına görə, 1974-cü ildə anadan olmuş Ağdaş rayon sakini Səfərov Etibar Baxşəli oğlunun sürdüyü “Mercedes” və 1979-cu il təvəllüdlü Bakı sakini Bayramov Tural Rafiq oğlunun idarə etdiyi “Geely” markalı avtomobillər toqquşub.
Nəticədə “Geely”də olan sərnişinlərdən 2011-ci il təvəllüdlü Bayramlı Hüseyn Vüsal oğlu ağır bədən xəsarətlərindən hadisə yerindəcə keçinib.
Avtomobilin sürücüsü və sərnişinləri - 1982-ci il təvəllüdlü Mehriban Bayramova və 2012-ci ildə anadan olmuş Bayramlı Ayan Tural qızı isə Yevlax rayon Mərkəzi Xəstəxanasına aparılıb. Həkimlərin səyinə baxmayaraq 3 yaşlı Ayanın həyatını xilas etmək mümkün olmayıb.
Faktla bağlı cinayət işi açılıb, araşdırma aparılır.
1news.az
