Bakıda əfsanəvi Hard Rock Cafe-nin açılışı olacaq
Yaxın gələcəkdə Bakıda əfsanəvi Hard Rock Cafe-nin açılışı gözlənilir.
1news.az məlumat verir ki, bu layihənin reallaşdırılmasını PASHA Inshaat şirkəti öz üzərinə götürüb. Bu haqda şirkətin saytında məlumat yerləşdirilib.
Kafenin açılışı 2016-cı ilə planlaşdırılır. Məkanın ümumi sahəsinin 1600 kv.m olacaq.
1news.az-a verilən məlumata görə, Bakıdakı Hard Rock Cafe hazırda təmir üçün bağlanan “Azərbaycan” kinoteatrında (ön hissə) yerləşdirilə bilər. Lakin bu məlumat rəsmi olaraq hələ ki təsdiqini tapmayıb.
Hard Rock Cafe-nin rəsmi saytında bildirilir ki, kafeni Bakı da açmaq imtiyazı artıq əldə edilib.
Qeyd edək ki, “Hard Rock Cafe” –kafe-barı ilk dəfə amerikalı Ayzek Tayqret və Piter Marton tərəfindən 1971-ci ildə Londonda, Rolls-Royce avtomağazasının yerləşdiyi məkanda yaradılıb. 2015-ci ilin iyul ayında dünyanın 50 ölkəsində 288-dən çox Hard Rock Cafe -nin fəaliyyət göstərdiyi qeyd olunur. Bu müddət ərzində 100 kafe bağlansa da, yaxın iki il ərzində 11 yeni kafenin açılacağı elan olunub.
Dünyanın müxtəlif şəhərlərində kafenin yerləşdiyi binaların fotosunu təqdim edirik.
Dubay
London
Nyu-York
Barselona
