Əfqanıstanlı qonaqlar Bakı Olimpiya Stadionunda olublar

Ölkəmizdə səfərdə olan Əfqanıstan nümayəndə heyəti Bakı Olimpiya Stadionunda olub.

1news.az-ın məlumatına görə, ictimai məsələlər naziri Mahmud Balig və şəhərsalma məsələləri naziri Sadət Mansur Nadiri stadionla tanış olub, burada təşkil olunan və gələcəkdə keçirilməsi nəzərdə tutulan tədbirlər barədə ətraflı məlumat əldə ediblər.

Mahmud Balig: “Çox sevinirəm ki, İslam Həmrəyliyi Oyunları Azərbaycanda keçiriləcək. Öz komandamızı dəstəkləmək üçün mən buraya mütləq gələcəyəm”.

Sadət Mansur Nadiri: “Stadion öz əzəməti ilə insanı heyrətə salır. Rekord sayıla bilinəcək qısa vaxt ərzində bu cür arenanın inşa olunması ilk baxışda mümkünsüz görünür”.

1news.az