Ağcabədidə avtomobillə traktor toqquşub: ölən və yaralananlar var

Ağcabədi rayonunda ölümlə nəticələnən yol-nəqliyyat hadisəsi baş verib.

1news.az-ın Daxili İşlər Nazirliyinin mətbuat xidmətinə istinadən verdiyi xəbərə görə, hadisə dünən saat 23:00 radələrində Ağcabədi şəhərində qeydə alınıb.

Belə ki, Laçın rayon sakini Bakir Rzayevin idarə etdiyi “Saipa” markalı avtomobillə rayon sakini Füzuli Məhərrəmovun idarə etdiyi “MTZ-80” markalı traktor toqquşub.

Nəticədə B.Rzayevin sərnişinlərindən Lənkəran rayon sakini Umud Məcidov hadisə yerində ölüb, özü və 2 sərnişini xəstəxanaya yerləşdiriliblər.

Faktla bağlı Ağcabədi Rayon Polis Şöbəsi tərəfindən araşdırma aparılır.

1news.az