İtkin düşən neftçilərin axtarışında ailə üzvləri də iştirak edib – VİDEO

Neft Daşlarındakı 501 saylı və “Günəşli” yatağındakı 10 saylı dərin dəniz özülündə baş vermiş qəzalarla əlaqədar itkin düşənlərin axtarışı davam etdirilir.

1news.az-ın məlumatına görə, itkin düşən neftçilərin bu günkü axtarışında onların ailə üzvləri də iştirak ediblər.

Belə ki, itkin düşənlərin ailə üzvləri aidiyyəti qurumlara müraciət edərək axtarış əməliyyatında iştirak etmək istədiklərini bildiriblər.

Müraciət Fövqəladə Hallar Nazirliyi və Azərbaycan Respublikasının Dövlət Neft Şirkəti tərəfindən müsbət qiymətləndirilib.

Bununla əlaqədar olaraq, həmin insanlar 29 dekabr 2015-ci il tarixində FHN-in 2 helikopteri və “AZAL” QSC-nin 1 helikopteri ilə Xəzər dənizi üzərində itkin düşənlərin axtarışı əməliyyatında xilasetmə qrupu ilə birlikdə iştirak edib.

1news.az