Prezident İlham Əliyev “Azərbaycanın 2016-cı il dövlət büdcəsi haqqında” qanunun tətbiqi ilə bağlı fərman imzalayıb – TAM MƏTN

Azərbaycan Respublikasının Prezidenti İlham Əliyev “Azərbaycan Respublikasının 2016-cı il dövlət büdcəsi haqqında” qanunun tətbiqi ilə bağlı fərman imzalayıb.

İmzaladığı fərmanla dövlət başçısı “Azərbaycan Respublikasının 2016-cı il dövlət büdcəsi haqqında” qanunun 8-ci maddəsi ilə funksional təsnifatın bölmə və köməkçi bölmələri səviyyəsində ayrılan vəsaitin məbləğini inzibati təsnifata uyğun olaraq dövlət büdcəsindən maliyyələşən, maliyyə yardımı alan təşkilatları təsdiq edib.

Nazirlər Kabinetinə “Azərbaycan Respublikasının 2016-cı il dövlət büdcəsi haqqında” qanunun təsdiqinin icrasına nəzarət etməklə yanaşı, həmçinin daxili bazarın stimullaşdırılması üçün gömrük tariflərinin təkmilləşdirilməsi üzrə tədbir görməklə bağlı səlahiyyətlər verilib.

Uyğun tapşırıqlar Maliyyə Nazirliyinə və başqa dövlət idarələrinə də verilib.

Prezidentin imzaladığı fərmanla bu linkdən daha ətraflı məlumat əldə etmək olar