İstanbuldakı qanlı terrorla bağlı on nəfər həbs olunub

Yanvarın 12-də İstanbulun Sultan Əhməd meydanında törədilmiş partlayışda şübhəli bilinən 17 nəfərdən 10-u həbs olunub.

1news.az-ın AZƏRTAC-a istinadən verdiyi xəbərə görə, polis digər şübhəlilərin də saxlanılması üçün əməliyyat-axtarış tədbirlərini davam etdirir.

Qeyd edək ki, həmin terrorda əksəriyyəti alman turistləri olmaqla 10 nəfər həlak olub, 15 nəfər yaralanıb. Turistlərin cənazəsi xüsusi təyyarə reysi ilə Almaniyaya çatdırılıb.

1news.az