“Gənc Ədiblər Məktəbi-3” fəaliyyətə başlayır
![“Gənc Ədiblər Məktəbi-3” fəaliyyətə başlayır](/images/articles/2016/01/18/thumb_20160118103511209.jpg?2021-02-17+09%3A23%3A32)
Azərbaycan Yazıçılar Birliyinin (AYB) nəzdində fəaliyyət göstərən Gənc Ədiblər Məktəbinin yeni üzvlərinin ilk toplantısı keçiriləcək.
AYB-dən 1news.az-a verilən məlumata görə, toplantı yanvarın 22-də AYB-nin Natəvan klubunda olacaq. Bundan sonra Gənc Ədiblər Məktəbi 3-cü fəaliyyət dönəminə başlayacaq
Əvvəlki müdavimlərin bir hissəsi AYB-yə üzv olub, gənc yazıçılar üçün nəzərdə tutulan təqaüdə layiq görülüb.
Bu dəfə Gənc Ədiblər Məktəbinə də maraq xeyli böyükdür, artıq 50-yə yaxın gənc məktəbin toplantılarında iştirak üçün müraciət edib
Məktəbin rəhbəri AYB katibi Rəşad Məcid, yeni dönəmdəki koordinatoru gənc yazar Müşfiq Şükürlüdür.
Məktəbin fəaliyyətində iştirak etmək istəyən yaradıcı gənclər toplantıya dəvətlidir.
1news.az