Mikayıl Cabbarov: “İstedadlı məzunların işə cəlb olunması prioritet olmalıdır
Azərbaycan təhsil naziri Mikayıl Cabbarovun rəhbərlik etdiyi nümayəndə heyəti Londonda keçirilən Dünya Təhsil Forumunda iştirak edib.
Təhsil Nazirliyinin Mətbuat xidmətindən verilən məlumata görə, nazir “Məllimlərin işə qəbulu, peşəkarlığın artırılması, təlim və təhsilin keyfiyyətinin yüksəldilməsi siyasəti” bölməsində çıxış edib.
Nazir qeyd edib ki, təhsil sisteminin mühüm məqsədlərindən biri daxili islahatların, ikitərəfli və çoxtərəfli mübadilələrin həyata keçirilməsidir.
“Nümunə olaraq kurikulum və inkişaf etmiş təlim metodikaları mübadiləsini nümunə göstərmək olar”,- M.Cabbarov deyib.
Nazir bildirb ki, təhsil sistemi təlim və tədrisin keyfiyyətinə əsaslanmalıdır. Istedadlı məzunların işə cəlb olunması prioritet istiqamət olmalıdır.
Xatırladaq ki, M. Cabbarov Böyük Britaniyada “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı" əsasında təhsil alan azərbaycanlı tələbələrlə görüşüb.
Səfər zamanı təhsil naziri həmçinin, UCL Təhsil İnstitutunun direktoru Endryu Braunla və Rusiya təhsil və elm naziri Dmitriy Livanovla görüşüb.
Xatırladaq ki, 18-20 yanvar tarixlərində keçirilən forumda 80 ölkəni təmsil edən dünyanın aparıcı universitetləri, beynəlxalq təşkilatlarının üzvləri iştirak edib.
1news.az
