Gürcüstan milli valyutası ucuzlaşmaqda davam edir

Gürcüstanın milli valyutası lari (GEL) ABŞ dolları ilə nisbətdə ucuzlaşmaqda davam edir.

Yanvarın 22-də səhər saatlarında valyutadəyişmə məntəqələrində 1 ABŞ dolları 2.45-2.46 GEL-ə dəyişdirilib. Bir avro isə 2.68 GEL-ə dəyişdirilir.

Azərbaycan manatı da GEL-ə qarşı mövqeyini bir qədər möhkəmləndirib. Bu gün valyutadəyişmə məntəqələrində 1 manat 1.25-1.30 GEL-ə dəyişdirilib.

Gürcüstan Milli Bankının rəsmi məzənnəsinə görə, 1 dollar -2.4445 GEL, 1 avro-2.6635 GEL, 1 manat isə 1.51 GEL müəyyən olunub.

AZƏRTAC