Türkiyədə PKK terrorçularının törətdiyi partlayış nəticəsində 6 hərbçi həlak olub

Türkiyənin Van vilayətində PKK terrorçularinin törətdiyi partlayış nəticəsində 6 hərbçi həlak olub, iki nəfər isə xəsarət alıb. Van valiliyində bu haqda məlumat yayılıb.

1news.az Anadolu Agentliyinə istinadla xəbər verir ki, Çaldıran-Doğubəyazıt yolunda quraşdırılan kustar üsulla hazırlanmış partlayıcı qurğu hərbi avtomobil keçdiyi zaman partladılıb.

Hadisənin baş verdiyi ərazidə havadan hərbi helikopterlərin və kəşfiyyat təyyarələrinin dəstəyi ilə terrorçuların məhv edilməsi istiqamətində əməliyyatlar aparılır.

1news.az